ء«بىز ءسىزدەردى «سپاسسك» وقۋ ورتالىعىنىڭ اۋماعىندا كورگەنىمىزگە قۋانىشتىمىز. قازىرگى ۋاقىتتا ورتالىقتا ۇلتتىق ۇلاننىڭ وڭىرلىك قولباسشىلىقتار قولباسشىلارى, قۇرامالار مەن اسكەري بولىمدەر كومانديرلەرى جانە ولاردىڭ ورىنباسارلارىمەن جەدەل دايىندىق بويىنشا وقۋ-ادىستەمەلىك جيىندار ءوتىپ جاتىر. بۇگىن ولار ءتۇرلى قارۋلاردان وق اتۋ بويىنشا تاجىريبە الماستى. بۇل وقۋ-جاتتىعۋ جيىندارىنا 80-نەن استام وفيتسەر تارتىلعان. سونداي-اق وسى كەزدەسۋدى پايدالانا وتىرىپ, سىزدەرگە ەكى ەل اراسىنداعى اسكەري قارىم-قاتىناستىڭ نىعايۋىنا قوسقان ۇلەستەرىڭىز ءۇشىن شەكسىز العىسىمدى بىلدىرەمىن», دەدى گەنەرال-لەيتەنانت ەركىن بوتاقانوۆ.
كەزدەسۋ بارىسىندا تاراپتار قازاقستان رەسپۋبليكاسىنىڭ ۇلتتىق ۇلانى مەن بەلارۋس رەسپۋبليكاسىنىڭ ىشكى اسكەرلەرى اراسىنداعى ىشكى قىزمەتتى جانە قاۋىپسىزدىكتى ۇيىمداستىرۋ پەرسپەكتيۆالارىن تالقىلادى.
ءوز كەزەگىندە بەلارۋس رەسپۋبليكاسى ىشكى اسكەرلەرى قولباسشىسىنىڭ ءبىرىنشى ورىنباسارى گەنەرال-مايور يگور بۋرميستروۆ دەلەگاتسيا مۇشەلەرىن تانىستىرا وتىرىپ, قازاقستان ۇلتتىق ۇلانىنىڭ باسقولباسشىلىعىنا جىلى شىرايدا قارسى العانى ءۇشىن العىس ءبىلدىردى.
سونداي-اق گەنەرال-لەيتەنانت ەركىن سوۆەتبەك ۇلى دەلەگاتسيا باسشىسى گەنەرال-مايور يگور بۋرميستروۆتى «ۇلتتىق ۇلاننىڭ ۇزدىگى» توسبەلگىسىمەن ماراپاتتاپ, ەستەلىك سىيلىقتار تابىس ەتتى. بۇدان بولەك ۇلتتىق ۇلاننىڭ باس قولباسشىسى بەلارۋس ەلىنىڭ وكىلدەرىن «كۇرەڭ بەرەت» سىناعىنا باقىلاۋشى بولۋعا شاقىردى.
قۇرمەتتى قوناقتارعا ۇلتتىق ۇلان بولىمشەلەرى «زاڭسىز قارۋلانعان قاسكويلەردى ىزدەستىرۋ جانە ولاردىڭ جولىن كەسۋ بويىنشا باتالوندىق تاكتيكالىق توپتىڭ ارنايى وپەراتسياسى» تاقىرىبىندا جاتتىعۋلار كورسەتتى.
كەيىن قوناقتار «كارلاگ» ساياسي قۋعىن-سۇرگىن قۇرباندارىن ەسكە الۋ مۋزەيىنە ەكسكۋرسيا جاسادى. گەنەرال-مايور يگور بۋرميستروۆ «مۇراجايدىڭ قۇرمەتتى قوناقتارى» كىتابىنا قولتاڭبا قالدىردى. بۇدان كەيىن مەيماندار «حح عاسىرداعى ساياسي قۋعىن-سۇرگىن قۇرباندارى» مەموريالىنا گۇل شوقتارىن قويدى.
شەتەلدىك دەلەگاتسيا بۇعان دەيىن دە ەلوردا تورىندەگى باس قولباسشىلىقتىڭ ءماجىلىس زالىندا قرۇلتتىق ۇلانى باس قولباسشىسىنىڭ ءبىرىنشى ورىنباسارى – باس شتاب باستىعى گەنەرال-مايور قايرات اقتانوۆپەن كەزدەسۋ وتكىزگەن ەدى. ول كەزدە قوناقتار قۇقىقتىق-ءتارتىپ اسكەرىنىڭ قىزمەتتىك جانە جاۋىنگەرلىك تاپسىرماسىمەن تانىستى.
سونىمەن قاتار ولار 5573 اسكەري ءبولىمىنە بارىپ, ەلوردالىق جەدەل بريگادانىڭ قىزمەتتىك-جاۋىنگەرلىك ءىس-ارەكەتىمەن جانە «ۇركەر» تۇرعىن الابىنداعى اسكەري قالاشىقتىڭ ينفراقۇرىلىمىمەن تانىستى.
ەسكە سالايىق, 21 ماۋسىم كۇنى ۇلتتىق ۇلاننىڭ باسشىلىق قۇرامى بەلارۋس ەلىنىڭ وكىلدەرى كەلگەن «سپاسسك» وقۋ-جاتتىعۋ ورتالىعىندا ءتۇرلى قارۋلاردان وق اتۋ بويىنشا سىناق تاپسىردى. ولاردىڭ وقۋ-ادىستەمەلىك جاتتىعۋلارى بەلارۋس اسكەريلەءرىنىڭ ساپارىمەن تۇسپا-تۇس كەلىپ وتىر.
كومانديرلەر باستاعان قاتىسۋشىلار بمپ, بتر-80 تەحنيكالارىنان ءۇش باعىتتا اتۋ جاتتىعۋلارىن ورىندادى. سونداي-اق, ولار تانككە قارسى سپگ-9, رپگ-7, اگس-17 قارۋلارىمەن جانە جەڭىل بروندالعان نىسانالار مەن جاۋ اسكەرىن جويۋعا ارنالعان نسۆ پۋلەمەتىنەن سىنعا ءتۇستى. زۋ-23 زەنيتتىك پۋلەمەتىنەن نىسانالاردى جويدى.
ء«ار جارتى جىل سايىن ۇلتتىق ۇلانعا قاراستى اسكەري بولىمدەردىڭ كومانديرلەرى مەن ولاردىڭ ورىنباسارلارىنا ارنالعان وقۋ-جاتتىعۋ جيىندارى وتكىزىلىپ تۇرادى. ەڭ بىرىنشىدەن بىزگە جۇكتەلگەن جاۋىنگەرلىك تاپسىرمالاردى ىسكە اسىرۋ جونىندەگى جاتتىعۋلاردى ورىندايمىز. سونداي-اق كۇندەلىكتى قىزمەتتەگى ءىس-شارالاردى وتكىزۋدىڭ ساپاسىن ارتتىرۋ مەن كومانديرلەرىمىزدىڭ ءبولىم مەن بولىمشەلەردى باسقارۋداعى تىڭ تاسىلدەرىن جەتىلدىرۋدى ماقسات ەتىپ وتىرمىز. بۇگىن, وزدەرىڭىز كۋا بولعانداي, قر قارۋلى كۇشتەرىنىڭ قارۋ-جاراقتارىن قولدانۋدى ۇيرەتىپ جاتىرمىز. ماسەلەن, بمپ-2, بتر-ءدىڭ قارۋ-جاراعىنان جانە سپگ سەكىلدى ۇلكەن كوليبرلى گراناتومەتتەر مەن مينومەتتەردەن, زەنيتتىك قارۋدان وق اتۋ تاسىلدەرىن كورسەتتىك. ونىڭ ءبارى كومانديرلەرىمىزگە قىزمەت اتقارۋ كەزىندە كەرەك بولادى. بارلىق باسشىلىق قۇرامدى جيناپ, وسىنداي وقۋ -جاتتىعۋدى ۇيىمداستىرۋدىڭ ماڭىزى زور», دەدى ۇلتتىق ۇلاننىڭ باس قولباسشىسى گەنەرال-لەيتەنانت ەركىن بوتاقانوۆ.
وقۋ-ادىستەمەلىك جيىننىڭ پايداسى وراسان دەگەن پىكىردى قاتىسۋشىلار دا قۋاتتاپ وتىر.
- «ورتالىق» وڭىرلىك قولباسشىلىعىنىڭ ۇيىتقى بولۋىمەن ۇلتتىق ۇلاننىڭ كومانديرلەرى مەن جاۋىنگەرلەر جونىندەگى ورىنباسارلارى وقۋ-ادىستەمەلىك وقۋعا قاتىسىپ جاتىر. وسى جيىندا ءبىز ۇلتتىق ۇلان جاۋىنگەرلەرى قولداناتىن قارۋ تۇرلەرىنەن وق اتىپ, شەبەرلىگىمىزدى شىڭدادىق. سونداي-اق قورعانىس مينيسترلىگىنىڭ بازاسىنداعى كوپ قارۋ تۇرلەرىن قولدانىپ, جاتتىعۋلار ورىندادىق. بۇل وفيتسەرلەردىڭ بارلىق قارۋ-جاراقتان وق اتۋ قابىلەتىن ارتتىرىپ, ءتاجىريبە الماسۋعا سەپتىگىن تيگىزەدى, - دەدى 5513 اسكەري ءبولىمىنىڭ كومانديرى پودپولكوۆنيك عازيز كادىربەك.
ايتا كەتەيىك, اتىس جاتتىعۋلارىنا ۇلتتىق ۇلان باس قولباسشىسىنىڭ ورىنباسارى گەنەرال-مايور باۋىرجان ءابجانوۆ جەتەكشىلىك جاسادى. ۇلتتىق ۇلاننىڭ كومانديرلەرى باستاعان باسشىلىق قۇرامنىڭ ساپاسىن ارتتىرۋعا ارنالعان جيىن ەرتەڭ دە جالعاسىن تابادى. ال 24 ماۋسىم كۇنى وقۋ-ادىستەمەلىك جيىن مارەسىنە جەتەدى.
