«توتەنشە جاعدايلار دەپارتامەنتى «استانا ورمانى» بولىمشەلەرىنىڭ كۇشىمەن جەكەلەگەن ءورت ورىندارىن جىرتۋ جانە ۇنەمى قاراۋىلداۋ جۇمىستارىن جۇرگىزىپ جاتىر. ءورتتى ءسوندىرۋ باستالعاننان بەرى اۆياتسيا ءورت وشاقتارىنا 149 رەت كولەمى 447 توننا سۋ توكتى. 20 ماۋسىم كۇنى ساعات 20.16-دا قاراعاندى جانە اقمولا وبلىستارىنىڭ تجد كۇشتەرى مەن قۇرالدارى ۇيلەرىنە قايتارىلدى», دەپ حابارلادى تجم ءباسپاسوز قىزمەتى.
تج ءمينيسترى سىرىم ءشارىپحانوۆ كورشى وڭىرلەردەن كەلگەن ءورت سوندىرۋشىلەرگە جەدەل دەن قويعانى جانە ەلوردالىق ءورت سوندىرۋشىلەرگە قۇرعاق شوپتەردىڭ ورتەنۋىن سوندىرۋگە كورسەتكەن كومەگى ءۇشىن العىسىن ءبىلدىردى.
سوندىرۋگە قازىرگى ۋاقىتتا بارلىعى 34 ادام, 8 بىرلىك تەحنيكا جۇمىلدىرىلدى. جەرگىلىكتى جەردە ءورت ءسوندىرۋ شتابى جۇمىسىن جالعاستىرىپ جاتىر.
قالا اكىمدىگى ەرىكتىلەرمەن بىرلەسىپ, ءورت سوندىرۋشىلەرگە تاماق ۇيىمداستىردى.
