مەن بۇل فورۋمدا ۆولونتەرلىك قوزعالىستىڭ ايماقتىق كونسوليداتسياسى تاقىرىبىندا ءسوز سويلەدىم. سونىڭ ىشىندە ورتالىق ازياداعى بەس مەملەكەت ەرىكتىلەرىنىڭ بىرىگۋى تۋرالى ايتتىم.
شىن مانىندە بۇل ايماقتاعى ءاربىر ادام ومىرگە كەلگەننەن ۆولونتەر بولىپ تاربيەلەنەدى. ويتكەنى ءبىزدىڭ ءداستۇرىمىز سونى ۇيرەتەدى. جانىمىزداعى ادامعا قولۇشىن سوزۋ, ونىڭ قايعىسى مەن قۋانىشىن ءبولىسۋ, قيىن كەزدە جاردەمدەسۋ – قانىمىزعا سىڭگەن قاسيەت. سوندىقتان ءبىز قازىرگى الماعايىپ زاماندا تەك كورشى بولىپ قانا قويماي, سىن ساعاتتا ءبىر-بىرىمىزگە كومەككە كەلەتىن جاناشىر دوس بولۋدى تەرەڭدەتە بەرۋىمىز قاجەت.
سول سەبەپتى, عالامدىق ۆولونتەرلەر قوزعالىسىنىڭ بىرىگۋى دەگەندە, ءبىز ەڭ الدىمەن وسى ورتالىق ازيا ەرىكتىلەرىنىڭ بىرىگۋى ءۇشىن جۇمىس ىستەۋىمىز كەرەك. سول ارقىلى ءبىز ءبىر-ءبىرىمىزدىڭ الەۋەتىمىزدى, دوستىعىمىزدى, تاتۋ كورشىلىگىمىزدى بۇرىنعىدان دا نىعايتا بەرەمىز. ەكى جىل بۇرىن ءبىزدىڭ قاۋىمداستىعىمىز زاڭدى تۇردە تىركەلدى. سول كەزدەن بەرى ءبىز قازاقستان, تاجىكستان جانە تۇرىكمەنستانمەن دوستىق قارىم-قاتىناستارىمىزدى وڭ جولعا قويدىق. بۇل باعىتتاعى جۇمىستارىمىز ودان ءارى جالعاسىن تابا بەرەدى.
شيرين ابديوۆا,
وزبەكستان ۆولونتەرلەر
قاۋىمداستىعىنىڭ باسشىسى
