زاڭنىڭ نەگىزگى ماقساتى – شاعىن ەلەكترلى كولىك قۇرالدارىن, سونداي-اق ەلەكتر سكۋتەرلەرىن پايدالانۋ ماسەلەلەرىن زاڭنامالىق رەتتەۋدى ەنگىزۋ. سونىمەن قاتار كولىك قۇرالدارىن مەملەكەتتىك تىركەۋ مەن جۇرگىزۋشى كۋالىكتەرىن جانە مەملەكەتتىك تىركەۋدىڭ نومىرلىك بەلگىلەرىن دايىنداۋعا مەملەكەتتىك مونوپوليا ەنگىزىلەدى.
زاڭ ارقىلى قازاقستان رەسپۋبليكاسىنىڭ «جول ءجۇرىسى تۋرالى» جانە «رۇقساتتار مەن حابارلامالار تۋرالى» ەكى زاڭعا وزگەرىستەر مەن تولىقتىرۋلار ەنگىزۋ ۇسىنىلىپ وتىر.
زاڭعا «ەلەكتر سكۋتەرى» ۇعىمى ەنگىزىلدى, ول قۇرىلعىلىق جىلدامدىعى ساعاتىنا 25 كيلومەتردەن اسپايتىن كولىك قۇرالى رەتىندە تانىلادى جانە ولار جۇرە الاتىن جەرلەر انىقتالدى. اتاپ ايتقاندا, زاڭمەن ەنگىزىلگەن شارتتار مەن تىيىمداردى ساقتاي وتىرىپ, ەلەكتر سكۋتەرلەرگە جولدىڭ ءجۇرىس بولىگىنىڭ وڭ جاق شەتى بويىنشا جۇرۋىنە جول بەرىلەدى.
سونىمەن قاتار زاڭعا سايكەس ەلەكتر سكۋتەرلەرى ۆەلوسيپەد جولدارى مەن جول جيەكتەرىمەن 25 كم/ساع اسپايتىن جىلدامدىقپەن جانە تروتۋارلار بويىنشا جاياۋ جۇرگىنشىلەر اعىنىنىڭ جىلدامدىعىمەن ساعاتىنا 6 كم-دەن اسپايتىن جىلدامدىقپەن شەكتەۋسىز جۇرە الادى.
كوميتەت مۇشەلەرى تالقىلاۋ قورىتىندىسى بويىنشا زاڭدى پالاتا وتىرىسىندا قاراۋعا جىبەرۋ تۋرالى شەشىم قابىلدادى.
