«قازاقستاندا ۆولونتەرلىك قىزمەتتىڭ دامۋىنا ەرەكشە نازار اۋدارىلىپ وتىر. سوڭعى ءۇش جىلدا ەلىمىزدە ەرىكتىلەر سانى ءۇش ەسە كوبەيگەن. ماسەلەن, 2019 جىلى ۆولونتەرلىك ۇيىمداردىڭ سانى 50-دەن استام بولسا, قازىرگى تاڭدا 680-گە جەتىپ وتىر. ال ەرىكتىلەر سانى 50 مىڭ بولسا, قازىر رەسپۋبليكا بويىنشا ۆولونتەرلەر سانى 200 مىڭنان اسىپ وتىر», دەدى دانيار قادىروۆ حالىقارالىق ەرىكتىلەر فورۋمى بارىسىندا.
وسى تۇستا ۆيتسە-مينيستر وتكەن جىلى قۇرىلعان ورتالىق ازيا ۆولونتەرلەر حابىنىڭ جۇمىسىنا وڭ باعا بەردى.
«ورتالىق ازيا ۆولونتەرلەر حابى جىل بويى جۇمىس ىستەدى, ۇيىمداستىرىلعان ءىس-شارالار اياسىندا حابتىڭ ماڭىنا توپتاسقان ەرىكتىلەر سانى دا كوبەيە ءتۇستى. بيىل دا وزگە ەلدەردەن ۇسىنىستار كەلىپ ءتۇسىپ جاتىر. ولار دا وسى حابقا قوسىلعىسى كەلەدى. تۇركيا مەن ازەربايجان دا اتالمىش حابقا قوسىلىپ, تاجىريبە الماسۋ نيەتىن ءبىلدىردى. كۇنى كەشە استانادا حالىاقارلىق ۆولونتەرلىك ورتالىعى اشىلعانىن دا ەسكە سالعىم كەلىپ وتىر», دەپ قوستى ۆيتسە-مينيستر.
