كونتسەرتتى ۇيىمداستىرۋشىلار انسۇيەر قاۋىمعا ەرەكشە سىي ازىرلەگەن. ۇلكەن شوۋ قارساڭىندا قوناقتارعا بيلەتتەر مەن ءارتىستىڭ اتى جازىلعان ەكسكليۋزيۆتى ونىمدەر ويناتىلدى. ۆوكاليستەر اراسىندا بايقاۋ ۇيىمداستىرىلدى. مۇندا باستى جۇلدە يەگەرى كونتسەرتتىڭ شىمىلدىعىن اشاتىن قوناق رەتىندە ونەر كورسەتەدى.
بايقاۋدا ديماشتىڭ رەپەرتۋارىنان «S.O.S», «اداجيو», «وپەرا-2» سياقتى تانىمال اندەر ورىندالدى. بايقاۋ جۇلدەگەرلەرى جاس مۋزىكانتتار Lim Yue Zhen جانە Aric Lau, ال جەڭىمپاز – «زناي» ءانىن ورىنداعان 16 جاستاعى ءانشى Eshan .
سونىمەن قاتار مالايزيانىڭ ەڭ تانىمال انشىلەرىنىڭ ءبىرى – داتو شري سيتي نۋرحاليزا كونتسەرتتىڭ ارنايى قوناعى رەتىندە قاتىساتىنىن جاريالادى. سيتي نۋرحاليزا ديماشتىڭ ورىنداۋىن وتە جوعارى باعالايدى. كونتسەرتتە ارنايى قوناق بولۋ مۇمكىندىگى تۋرالى سۇراققا جاۋاپ بەرگەندە سيتي نۋرحاليزا ديماشتىڭ انشىلىك قابىلەتىنە, شىعارماشىلىعى كوڭىلىنەن شىعىپ, ءتانتى بولعانىن ايتتى.
«ديماشتىڭ داۋىسى كەرەمەت, مەيلى ول جوعارى نوتادا بولسىن, تومەن نوتادا بولسىن, ەش قيىندىقسىز ەركىن اۋىسا الادى, وتە كەرەمەت ءان ايتادى», دەپ ايتتى داتو شري سيتي نۋرحاليز xuan.com.my باسىلىمىنا بەرگەن سۇحباتىندا.
