فۋتبولدان قازاقستان قۇراماسى ەۋرو-2024 ىرىكتەۋىندە ءتورتىنشى تۋر ويىنىن وتكىزدى. ويىن الاڭىندا فۋتبولشىلارىمىز تاباندىلىق تانىتىپ, قارسىلاسىن 1:0 ەسەبىمەن جەڭدى.
ماتچتاعى جالعىز گولدى الاڭعا 88-مينۋتتا شىققان ابات ايىمبەتوۆ سوقتى. «استانا» شابۋىلشىسى ءوز ايماعىندا دوپتى قابىلداپ, بريتانيالىق كوماندا قورعاۋشىلارىن قاپى قالدىردى. تۋرا قاقپاعا قاراي جىلجىپ, دوپتى بەيلي پيكوك-فاررەل قورعايتىن قاقپاعا ءدال باعىتتادى.
ماتچ اياقتالعان سوڭ كوماندانىڭ باس باپكەرى ماگومەد اديەۆ ويىنشىلارعا ريزاشىلىعىن ءبىلدىردى.
ءتورت تۋردىڭ قورىتىندىسى بويىنشا ۇلتتىق قۇرامامىز توعىز ۇپاي جينادى. ال سولتۇستىك يرلانديانىڭ ءۇش ۇپايى بار. قازاقستان قۇراماسى كەلەسى كەزدەسۋىن 7 قىركۇيەك كۇنى ءوز الاڭىندا توعىز ۇپاي جيناعان فينليانديامەن وتكىزەدى.
