الداعى ماۋسىمداعى باسەكەلەر اقش, كانادا, فرانتسيا, قىتاي, فينليانديا جانە جاپونيادا ۇيىمداستىرىلادى. «Skate America» دەپ اتالاتىن تۇساۋكەسەر ءتۋرنيردى 20-22 قازان ارالىعىندا امەريكانىڭ تەحاس شتاتىنىڭ اللەن قالاسى قابىلدايدى. ارادا بەس كۇن وتكەننەن سوڭ الەمنىڭ ەڭ ۇزدىك مانەرلەپ سىرعاناۋشىلارى ۇيەڭكى جاپىراقتار ەلىنىڭ ۆانكۋۆەر شاھارىندا شىمىلدىعى تۇرىلەتىن «Skate Canada» دوداسىندا باس قوسادى. قاراشا ايىندا ءبىزدى ءتورت بىردەي ءدۇبىرلى دودا كۇتىپ تۇر. ولار – «Grand Prix de France» (انجە, فرانتسيا), «Cup of China» (چۋنتسين, قىتاي) جانە «Grand Prix Espoo» (ەسپوو, فينليانديا) جانە «NHK Trophy» (وساكا, جاپونيا).
ال فينالدىق سايىستىڭ جالاۋى 7-10 جەلتوقسان ارالىعىندا بەيجىڭدە جەلبىرەيدى.
