تاراز, اتىراۋ, اقتوبە قالالارى مەن ارال, شيەلى, سىرداريا اۋداندارىنان كەلگەن حالىقتىق وتباسىلىق انسامبلدەر مۇشەلەرى الدىمەن «اۋەزوۆتەر» حالىقتىق وتباسىلىق ءانسامبلىنىڭ 45 جىلدىعىنا ارنالعان كورمەمەن تانىستى. بايقاۋدىڭ اشىلۋ سالتاناتىندا اۋدان اكىمىنىڭ مىندەتىن اتقارۋشى كۇنتىلەس نازىمبەكوۆ قاتىسۋشىلارعا ساتتىلىك تىلەدى. ۇجىمنىڭ ايماقتاعى ونەر كوشىنە قوسىلعانىنىڭ 45 جىلدىعىنا وراي جارىق كورگەن «ونەرىمەن وركەندەگەن اۋلەت» اتتى كىتاپتىڭ تۇساۋكەسەرى ءوتتى.
انسامبلدەر ونەرىنە «مادەنيەت سالاسىنىڭ ۇزدىگى» توسبەلگىسىنىڭ يەگەرى, كۇيشى-قوبىزشى ارمان اۋەز, قازاقستان كومپوزيتورلار وداعىنىڭ مۇشەسى, مادەنيەت قايراتكەرى ساۋكەن ءالىش, قازانعاپ اتىنداعى جوعارى مۋزىكالىق كوللەدج وقىتۋشىسى تولەگەن كادەنوۆ, شىمكەنت ساز كوللەدجىنىڭ وقىتۋشىسى, بەلگىلى مۋزىكانت كوسموناۆت ايۋباەۆ, ءبىلىم سالاسىنىڭ ارداگەرى, قوبىزشى ەرپازىل ءجۇسىپ قازىلىق ەتتى.
اۋداندا وتكەن بايقاۋدىڭ باس جۇلدەسى اقتوبە قالاسىنان كەلگەن «شاشۋ» حالىقتىق وتباسىلىق انسامبلىنە بۇيىردى. ءبىرىنشى ورىندى سىرداريالىق سادۋاقاسوۆتار, ەكىنشى ورىندى اتىراۋ قالاسىنان كەلگەن قاراباليندەر, ءۇشىنشى ورىندى تاراز قالاسىنان قاتىسقان جاڭاباەۆتار حالىقتىق وتباسىلىق ءانسامبلى يەلەندى. ارنايى جۇلدە ارال اۋدانىنان كەلگەن قادىرقۇلوۆتار وتباسىنا تابىستالدى.
قىزىلوردا
