فوتو: 24.kz/ۆيدەودان سكرينشوت
«كاتونقاراعاي ۇلتتىق تابيعي پاركى اقسۋ فيليالىنىڭ (ۋست-يازوۆسكوە ورمان شارۋاشىلىعى) شالعاي تاۋلى اۋماعىندا قۇرعاق شوپتەر مەن بۇتالار ورتەنىپ جاتىر», دەپ حابارلادى شقو تجد ءباسپاسوز قىزمەتى.
⠀
تجد مالىمەتىنشە, ەلدى مەكەندەرگە قاۋىپ ءتونىپ تۇرعان جوق.
جالىن شارپىعان اۋماق ءالى بەلگىسىز. تاۋلى جەرلەردە تۇتانعان ءورتتى سوندىرۋگە «قازاۆياورماندى قورعاۋ» قىزمەتكەرلەرى, 123 ورمانشى, 3 تەحنيكا جانە تىكۇشاق جۇمىلدىرىلعان. قازىر قۇرعاق ءشوپ پەن بۇتالار جانىپ جاتىر. وسى ساعاتقا دەيىن تىكۇشاقپەن 10 مارتە سۋ شاشىلىپ, ءتىلسىز جاۋدىڭ تارالۋىنا جول بەرىلمەدى. اينالاداعى ەلدى مەكەندەرگە قاۋىپ ءتونىپ تۇرعان جوق.
وقيعا ورنىندا شىعىس قازاقستان وبلىسى اكىمىنىڭ ورىنباسارى ەرجان نۇرباەۆ ءجۇر.
ايتا كەتەيىك, كاتونقاراعاي ۇلتتىق پاركى – قازاقستانداعى ەڭ ۇلكەن پارك. يۋنەسكو-نىڭ ەرەكشە قورعالاتىن مۇرالار تىزىمىنە ەنگىزىلگەن.
