ۇلىسىمنىڭ ۇيىتقىسى – وڭتۇستىك وڭىرىنەن وسى قۇرىلتايعا مۇشە بولىپ قاتىسقانىمدى ءوز باسىم ومىرىمدەگى بيىك بەلەستەردىڭ بىرىنە بالايمىن. ۇلتتىق قۇرىلتاي ازاماتتىق قوعامنىڭ نەگىزگى ينستيتۋتتارىنىڭ ءبىرى بولۋعا ءتيىس. بۇل تۋرالى ۇلتتىق قۇرىلتايدىڭ العاشقى وتىرىسىندا پرەزيدەنت قاسىم-جومارت توقاەۆ ايتقان بولاتىن.
مەملەكەت باسشىسى «مەملەكەت تاڭداعان باعىتتى حالىقتىڭ باسىم كوپشىلىگى قولدايتىنى وتە ماڭىزدى. ءبىزدىڭ ازاماتتارىمىز ەلىمىزدە تۇبەگەيلى وزگەرىستەر بولادى دەپ سەنەدى. ءبىز حالىققا رەفورمالاردى جۇرگىزۋ بارىسىن ۇدايى ءتۇسىندىرىپ وتىرۋعا ءتيىسپىز. قازىردىڭ وزىندە جاڭعىرتۋ ۇدەرىسى بىرتىندەپ بۇكىلحالىقتىق سيپات الىپ كەلەدى. ءاربىر ازامات جاڭعىرتۋدىڭ اسەرىن سەزىنۋگە ءتيىس. ەگەر اركىم ەلدەگى وزگەرىستەرگە ءوزىنىڭ جەكە ءىسى رەتىندە قارايتىن بولسا, وندا ءبىز شىنىمەن جاڭارۋ جولىنا تۇسەمىز. مۇنى ەلىمىزدىڭ ءاربىر ازاماتى تۇسىنۋگە ءتيىس», دەگەن ەدى.
وتكەن قۇرىلتايدا ادىلەتتى قازاقستاننىڭ نەگىزى قالاندى. بۇل ەلىمىزدىڭ جارقىن بولاشاعى مەن مۇراتىن ايقىنداعان ايتۋلى وقيعا بولدى. مەملەكەت باسشىسىنىڭ 2019 جىلدان بەرى جۇرگىزىپ وتىرعان ساياساتى – ەلىمىزدىڭ بىرتۇتاستىعىن نىعايتىپ, ادىلەتتى, ەكونوميكالىق جانە الەۋمەتتىك جاعدايى تۇراقتى ءارى ۇدايى دامىپ وتىراتىن مەملەكەت قالىپتاستىرۋ. سول باعىتتا قاجەتتى رەفورمالاردى ۇسىنىپ, ولاردى دەر كەزىنە جۇزەگە اسىرىپ كەلەدى.
ۇلتتىق قۇرىلتايدىڭ مۇشەلەرى – حالىقتىڭ كوكەيىندەگى جۇرگەن, قوعامداعى ماڭىزدى ماسەلەردى ايتىپ قانا قويماي, سول ماسەلەردى شەشۋ جولىن دا بىلەتىن ازاماتتار. الداعى ۋاقىتتا ولار جۇمىسىن جانداندىرا ءتۇسۋ كەرەك. ۇلتتىق قۇرىلتايدىڭ ەل ىشىندەگى ناسيحاتىن دا قولعا العان ءجون.
ءتۇيىن. ۇلتتىق قۇرىلتاي – پرەزيدەنت جانىنداعى نەگىزگى كونسۋلتاتيۆتىك-كەڭەسشى ورگان. مەملەكەت باسشىسى بۇل ۇيىمدى قۇرۋ تۋرالى باستامانى وتكەن جىلدىڭ ناۋرىزىنداعى جولداۋىندا كوتەرگەن بولاتىن. ونىڭ قۇرامىندا 117 ادام بار. وعان بارلىق وبلىستىڭ, سان ءتۇرلى سالانىڭ, ءار بۋىننىڭ وكىلدەرى ەندى. سونداي-اق پارلامەنت دەپۋتاتتارى, ساياسي پارتيالار مەن قازاقستان حالقى اسسامبلەياسىنىڭ مۇشەلەرى دە قۇرىلتاي قۇرامىنا شاقىرىلدى. ۇكىمەتتىك ەمەس جانە كاسىبي ۇيىمداردىڭ وكىلدەرى دە ۇلەس قوسپاق. بۇدان بولەك, قۇرىلتاي قۇرامىنا وڭىرلىك قوعامدىق كەڭەستەردىڭ مۇشەلەرى دە شاقىرىلىپ وتىر. ياعني ءتۇرلى قوعامدىق پىكىر تۇگەل قامتىلعان وكىلدى قۇرىلىم قالىپتاستى دەپ ايتۋعا تولىق نەگىز بار.
سونداي-اق بىلتىر جەلتوقساندا Egov پلاتفورماسىندا «Quryltai» ءموبيلدى قوسىمشاسى ىسكە قوسىلدى. ازاماتتار بۇل پلاتفورماعا قوعامداعى وزەكتى ماسەلەلەر جونىندە ءوز ويلارى مەن ۇسىنىستارىن جولداي الادى. ۇلتتىق قۇرىلتاي يدەولوگيالىق تۇجىرىمعا سۇيەنەدى. ياعني مەملەكەتىمىزدىڭ تاريحى تىم تەرەڭدە جاتقانىنا نازار اۋدارادى. سونداي-اق ۇلتتى ۇيىسۋعا شاقىراتىن بىردەن-ءبىر كەڭەس مەملەكەت مۇددەسىن بارىنەن بيىك قويۋعا ۇندەيدى.
باۋىرجان التەەۆ,
ۇلتتىق قۇرىلتاي مۇشەسى,
شىمكەنت قالاسى قوعامدىق كەڭەسىنىڭ توراعاسى
