جاستار اراسىندا سانگە اينالعان ۇلتتىق سپورت ءتۇرى تۋرالى «Egemen Qazaqstan» گازەتىنىڭ تىلشىسى زەيىن ەرعالي «جاڭا ترەند: سانگە اينالعان ساداق اتۋ» ماقالاسىندا جازعان.
بىلتىر ء«داستۇرلى ساداق اتۋ» ونەرى مادەنيەت جانە سپورت مينيسترلىگىنىڭ بۇيرىعىمەن سپورت ءتۇرى رەتىندە رەسمي تانىلدى. سودان بەرى ەلىمىزدە رەسپۋبليكالىق جانە قالالىق دەڭگەيدەگى جارىستار ءجيى ۇيىمداستىرىلىپ كەلەدى. جەڭىسكە جەتكەن سپورتشىلار سپورت شەبەرى, سپورت شەبەرىنە ۇمىتكەر جانە حالىقارالىق جارىستان ورىن العان جاعدايدا حالىقارالىق دارەجەدەگى سپورت شەبەرى اتانادى. ايتا كەتسەك, جۋىردا عانا استانا قالاسىنىڭ چەمپيوناتى ءوتتى. وعان 80-گە جۋىق سۇرمەرگەن قاتىستى. جارىستا 18-24 جانە 24 جاستان جوعارى ازاماتتار باق سىناستى.
وسى تۇستا ماقالا اۆتورى ء«داستۇرلى ساداق اتۋ» اكادەمياسىنىڭ نەگىزىن قالاۋشى دياس احمەتوۆپەن جۇزدەسىپ, چەمپيونات جايلى پىكىر الماستى.
«چەمپيونات ءتورت ءتۇرلى نىسانا بويىنشا ءوتتى. ولار بىلاي جىكتەلەدى: تۇرىكتىڭ پۋتا نىساناسى 70 مەتر (ەرلەر اراسىندا), 60 مەتر (ايەلدەر اراسىندا) (9 وقتان 7 مۇمكىندىك), ورتا ازيا نىساناسى 35/40 مەتر (5 وقتان 6 مۇمكىندىك), قالقان نىساناسى 60 مەتر ەرلەر, 50 مەتر ايەلدەر (7 وقتان 7 مۇمكىندىك) جانە جامبى نىساناسى 30 مەتر (ەرلەر مەن ايەلدەر) (5 وقتان 3 مۇمكىندىك). بارلىق سپورتشىلارعا بىردەي ءتورت نىسانادا باق سىناۋ مۇمكىندىگى بەرىلدى. ءار نىسانا بويىنشا انىقتالعان جەڭىمپازدار باعالى سىيلىقتارمەن بىرگە 23-27 ماۋسىم ارالىعىندا الماتى وبلىسىنىڭ قاراساي اۋدانىندا وتەتىن قازاقستان رەسپۋبليكاسىنىڭ چەمپيوناتىنا قاتىسۋ مۇمكىندىگىنە يە بولدى. بۇل سايىستىڭ ەرەكشەلىگى – قازاقتىڭ ءداستۇرىن ساقتايتىن ۇلتتىق ناقىشتاعى كيىمىمىز. سايىستا تەك سپورت دامىمايدى, ونىمەن قوسا قازاقتىڭ رۋحى جاڭعىرىپ, ۇلتتىق سپورتقا دەگەن سۇيىسپەنشىلىك ارتادى. سوڭعى ءۇش جىلدىڭ ىشىندە ءداستۇرلى ساداق اتۋعا دەگەن قىزىعۋشىلىق ارتتى. 32 جىلدىڭ ىشىندە قازاقتار ەندى عانا قازاق ەكەنىن سەزىنىپ جاتىر»,
سونىمەن قاتار 7 جاستان 70-كە دەيىنگى اقساقالدار دا بۇل سپورت تۇرىنە قىزىعۋشىلىق تانىتىپ ءجۇر. جارىستا رەسپۋبليكالىق ء«داستۇرلى ساداق اتۋ» فەدەراتسياسىنىڭ سپورت مەنەدجەرى ءارى مەرگەن باقبەرگەن ءسالىموۆ اسا قىراعىلىعىمەن جەبەسىن نىساناعا ءدوپ تيگىزىپ, ءبىرىنشى ورىندى قانجىعاسىنا بايلادى.
بەس قارۋدىڭ ءبىرى سانالاتىن ساداق اتۋ ونەرىن دامىتۋ العاش 2019 جىلى شىلدە ايىندا «Sadaq atý» رەسپۋبليكالىق ءداستۇرلى ساداق اتۋ فەدەراتسياسى» قوعامدىق بىرلەستىگىنىڭ اشىلۋىمەن باستاۋ العان. ماقالا اۆتورىنىڭ جازۋىنشا, العاشقىدا مەرگەندەر ساپىندا 50-گە جۋىق سپورتشى بولعان. ءتىپتى الماتى مەن استانا قالاسىندا ساداق اتۋدى ەكى مەكتەپ قانا ۇيرەتكەن. ەندى مىنە, اراعا ءتورت جىل سالىپ, قاجىرلى ەڭبەك پەن توككەن تەردىڭ ارقاسىندا ءار وڭىردە فەدەراتسيا مەن ساداق اتۋ مەكتەپتەرى اشىلعان. كاسىبي سپورتشىلاردىڭ سانى دا مىڭنان اسقانىن ايتا كەتۋ كەرەك.
ەسكە سالا كەتسەك, ءداستۇرلى ساداق اتۋدان ءىV دۇنيەجۇزىلىك كوشپەلىلەر ويىندارىندا ەلىمىز 1 كۇمىس مەدالعا يە بولعان. سونداي-اق بىلتىر مامىر ايىندا تۇركيا ەلىنىڭ ىستانبۇل قالاسىندا جىل سايىن وتكىزىلەتىن «Fetih Kupası» حالىقارالىق تۋرنيرىنە قازاقستانعا 14 كۆوتا بۇيرىپتى. بۇل تۋرنيرگە ساداقشىلاردان ەرلەر جانە ايەلدەر ساناتتارى بويىنشا قاتىسقان.
«2022 جىلعى 29 قىركۇيەك پەن 2 قازان ارالىعىندا تۇركيانىڭ يزنيك قالاسىندا وتكەن ءىV دۇنيەجۇزىلىك كوشپەلىلەر ويىندارىنا 13 ساداقشىمىز باقتارىن سىناپ كوردى. «تۇرىك نىساناسى» بويىنشا ساداقشى قاسىمحان قانات 105 سپورتشىنىڭ اراسىنان شەشۋشى سىنعا شىعىپ, 2-ورىنعا يە بولدى. بيىل ەلىمىزدىڭ ۇلتتىق قۇراماسىنا ءداستۇرلى ساداق اتۋدان 36 سپورتشى ەنگىزىلدى», دەدى ء«داستۇرلى ساداق اتۋ» اكادەمياسىنىڭ اعا باپكەرى دياس احمەتوۆ.
ايتا كەتسەك, كەلەر جىلى قازاقستاندا V دۇنيەجۇزىلىك كوشپەلىلەر ويىندارى وتكىزىلەدى. ءداستۇرلى ساداق اتۋدان قازاقستاننىڭ ۇلتتىق قۇراما كومانداسىنىڭ مۇشەلەرى وسى ءدۇبىرلى دوداعا قاتىسىپ, باق سىناسۋعا ساقاداي ساي وتىر.
