مينيسترلىكتىڭ ءباسپاسوز قىزمەتى ۇسىنعان اقپاراتقا سايكەس, ءورت باستالعان كەزدە يلين سولتۇستىك قازاقستان وبلىسىندا بولعان.
«بۇل شىندىققا سايكەس كەلمەيدى, سەبەبى 8-9 ماۋسىمدا ول جۇمىس ساپارىمەن سولتۇستىك قازاقستان وبلىسىنا بارعان. جۇمىس ساپارىنىڭ ءبىرىنشى كۇنى يلين وبلىس ورتالىعى ماڭىندا سالىنىپ جاتقان تجد ءورت ءسوندىرۋ قىزمەتىنىڭ جەدەل-قۇتقارۋ بولىمشەلەرىنىڭ كەشەنىن جانە پەتروپاۆلداعى بەرەكە شاعىن اۋدانىنداعى ءورت ءسوندىرۋ كەشەنىنىڭ قۇرىلىس الاڭىندا بولدى», دەپ حابارلادى توتەنشە جاعدايلار مينيسترلىگى.
ءمالىم بولعانداي, ەكىنشى كۇنى بۇرىنعى مينيستر وبلىس تۇرعىندارىمەن كەزدەسۋ وتكىزدى.
«كەزدەسۋ بارىسىندا مينيستر باق وكىلدەرىنە بريفينگ وتكىزىپ, ۇكىمەتتىك ەمەس ۇيىمداردىڭ وكىلدەرىمەن كەزدەستى. وندا ۆەدومستۆو جۇمىسى, ازاماتتىق قورعاۋ جۇيەسىنىڭ دامۋ پەرسپەكتيۆالارى قارالدى. سونىمەن قاتار ول ازاماتتاردى جەكە قابىلداپ, سۇراقتارىنا جاۋاپ بەرگەن.
بۇل كەزدەسۋ مەملەكەت باسشىسىنىڭ «ورتالىق اتقارۋشى ورگاندار باسشىلارىنىڭ حالىقپەن كەزدەسۋلەرىن وتكىزۋ تۋرالى» جارلىعىنا سايكەس وتكىزىلىپ, بەكىتىلگەن كەستە بويىنشا الدىن الا حابارلانعان. ايتا كەتۋ كەرەك, جيىنعا پەتروپاۆل قالاسىنان عانا ەمەس, جاقىن ماڭداعى اۋدانداردان دا 200-گە جۋىق ادام قاتىسىپ, كەزدەسۋ تۋرالى الدىن الا حاباردار بولعان. بۇل رەتتە جيىنعا وبلىستىڭ اۋدانى ونلاين-ترانسلياتسيا ارقىلى قوسىلىپ, وعان دا 150-گە جۋىق ادام قاتىستى. سونىمەن قاتار جەكە قۇراممەن دە كەزدەسۋ وتكىزىلدى, وعان ازاماتتىق قورعاۋ ورگاندارىنىڭ 180 قىزمەتكەرى قاتىستى», دەپ ءتۇسىندىردى مينيسترلىك.
تجم وكىلدەرى ءيليننىڭ اباي وبلىسىنداعى ورتكە بايلانىستى سقو-عا جۇمىس ساپارىن توقتاتقانىن دا اتاپ ءوتتى.
بۇعان دەيىن ورتكە قاتىستى تەرگەلىپ جاتقان قىلمىستىق ىستەر اياسىندا بۇرىنعى توتەنشە جاعدايلار ءمينيسترى يۋري يلين, ەكولوگيا ءمينيسترى ءزۇلفيا سۇلەيمەنوۆا, سونداي-اق اباي وبلىسىنىڭ اكىمى نۇرلان ۇرانحاەۆ پەن شىعىس قازاقستان وبلىسىنىڭ اكىمى دانيال احمەتوۆتەن جاۋاپ الاتىنى بەلگىلى بولعان ەدى.
