پوليتسيا دەپارتامەنتى ارنايى قۇرىلىمدارى جاۋىنگەرلەرىنىڭ جانە ۇيىمداسقان قىلمىسپەن كۇرەس باسقارماسى قىزمەتكەرلەرىنىڭ اۋقىمدى ارنايى وپەراتسياسىنىڭ ناتيجەسىندە ششۋچينسك قالاسىندا بۋراباي اۋدانىنىڭ اۋماعىندا بوپسالاۋمەن اينالىساتىن جاس جىگىتتەر توبى ۇستالدى.
ۇزاق جۇرگىزىلگەن تەرگەۋ بارىسىندا كۇدىكتىلەر جەرگىلىكتى تۇرعىنداردى, نەگىزىنەن جاستاردى ءموبيلدى بانكينگ ارقىلى قولما-قول اقشا جانە تاۋارلىق نەسيە الۋعا ماجبۇرلەگەن. ال باس تارتقان جاعدايدا فيزيكالىق كۇش كورسەتۋمەن قورقىتقانى انىقتالدى.
قىلمىستىق توپتىڭ دالەلدىك قورىن جيناۋ ءۇشىن ۇققكب قىزمەتكەرلەرى ارنايى جەدەل ءىس-شارالار جۇرگىزىپ, ناتيجەسىندە بوپسالاۋ, توناۋ, الاياقتىق جانە قىلمىستىق توبەلەسكە قاتىسۋ فاكتىلەرىن انىقتادى. ارنايى وپەراتسيا بارىسىندا پوليتسەيلەر ايىپتالۋشىنىڭ ۇيالى تەلەفوندارىن تاركىلەدى. قازىرگى تاڭدا ءتورت فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
پوليتسياعا 8 كۇدىكتى جەتكىزىلدى, ونىڭ تورتەۋى ۋاقىتشا ۇستاۋ يزولياتورىنا قامالدى. پوليتسيا زاڭسىز ارەكەتتەردەن زارداپ شەككەن بارلىق ۇستالعانداردى انىقتاۋ بويىنشا كەشەندى جەدەل-ىزدەستىرۋ شارالارىن جۇرگىزىپ جاتىر.
