ەلوردالىق داستان ورداباي ۆەلوترەكتەن 4 بىردەي قاشىقتىقتا جۇلدەگە ىلىكتى.
وعان قوسا تاعى ءبىر قازاقستاندىق ءامىر الپامىس ءجۇزۋ بويىنشا باعىن سىناعان ەدى. قوس سپورتشىنى استانا اۋەجايىنان دوستارى, تۋىستارى مەن سپورت سالاسىنىڭ ماماندارى كۇتىپ الدى.
وسىلايشا كوماندالىق ەسەپتە قازاقستان ۆەلوكومانداسى Virtus Global Games 2023 حالىقارالىق ويىندارىندا, II3 (اۋتيزم) ساناتىنداعى قاتىسۋشىلار اراسىندا 2-ورىنعا يە بولدى.
ايتۋلى دودادا 60 ەلدەن كەلگەن 1 000-نان استام سپورتشى 7 كۇن بويى سپورتتىڭ 13 تۇرىنەن سىنعا ءتۇستى.
بۇعان دەيىن حابارلاعانداي, ءدۇبىرلى دودادا قازاقستان سپورتتىڭ ءجۇزۋ جانە ترەك ۆەلوجارىسى تۇرىمەن العاش رەت استانالىق اسب (اۋتيزم سپەكترىنىڭ بۇزىلۋى) سيندرومى بار ەكى سپورتشى قاتىستى. ولار – II3 ساناتىنداعى داستان ورداباي مەن ءامىر الپامىس.
ەندى الداعى ۋاقىتتا قازاقستاندىق سپورتشىلار ايتۋلى الامانعا تۇراقتى تۇردە قاتىسۋدى جوسپارلاپ وتىر. بۇعان قوسا, ەل نامىسىن قورعايتىنداردىڭ قاتارىن بىرتىندەپ ارتتىرۋ دا كوزدەلىپ وتىر.
ايتا كەتسەك, «Virtus Global Games 2023» ينتەللەكتۋالدى دامۋ ەرەكشەلىكتەرى بار تۇلعالار ءۇشىن وتكىزىلەدى. بۇل دۇنيەجۇزىلىك ويىندار ءتورت جىلدا ءبىر رەت وتكىزىلەدى. قازىرگى ۋاقىتتا Virtus ۇيىمىنا 90 مەملەكەت كىرەدى.
