وتكەن جىلى باس قالانى قوسىمشا كولەمدە جىلۋمەن جابدىقتاۋدى قامتاماسىز ەتۋ ءۇشىن ەكى گاز جىلۋ ستانتسياسىنىڭ قۇرىلىسى باستالعانى حابارلانعان ەدى.
«ەلوردانى ارالاۋ بارىسىندا «تۇران» جانە «وڭتۇستىك-شىعىس» گاز جىلۋ ستانتسيالارىنىڭ قۇرىلىسىمەن تانىستىم. ولاردىڭ قۋاتى قۇرىلىسى ۇزاققا سوزىلعان جەو-3-تەن اسىپ تۇسەدى», دەپ جازدى قالا اكىمى Instagram پاراقشاسىندا.
جەڭىس قاسىمبەكتىڭ ايتۋىنشا, گاز جىلۋ ستانتسيالارىن اعىمداعى جىلىتۋ ماۋسىمىندا كەزەڭ-كەزەڭىمەن ىسكە قوسۋ جوسپارلانىپ وتىر.
«سونىمەن قاتار مەردىگەرگە جەو-3 قۇرىلىسىن بيىل اياقتاۋ مىندەتى جۇكتەلدى. وسى شارالاردىڭ ءبارى جىلۋمەن جابدىقتاۋ كولەمىن ەداۋىر ۇلعايتۋعا, سول سياقتى بولاشاقتا قۇرىلىس جۇمىسى جۇرەتىن اۋدانداردى جىلۋمەن قامتۋعا مۇمكىندىك بەرەدى», دەپ قورىتىندىلادى استانا اكىمى.
