حالىقارالىق ونەر باسەكەسى ەكى كەزەڭنەن تۇردى. ءبىرىنشى كەزەڭدە دانا الماتىداعى بايقاۋدا ءبىرىنشى ورىن الىپ, ماسكەۋدەگى فەستيۆالعا شاقىرتۋ الدى.
ۇيىمداستىرۋشىلار داناعا قاشىقتىقتان بايلانىسقا شىعىپ, ونەر كورسەتۋگە مۇمكىندىك جاسادى. بايقاۋدىڭ بۇل كەزەڭىندە وتانداسىمىز ەكى تۋىندىنى نازارعا ۇسىندى. ولار – ۆيلگەم پوپتىڭ «اسەم ءۆالسى» جانە سەرگەي راحمانينوۆتىڭ «نە پوي, كراساۆيتسا, پري منە!» رومانسى.
قازىلار القاسى ونەر مەن مادەنيەتتىڭ اتاقتى وكىلدەرىنەن جاساقتالعانىن اتاپ وتكەن ءجون. سيلانتەۆ اتىنداعى اكادەميالىق ۇلكەن كونتسەرتتىك وركەستردىڭ باس ديريجەرى الەكساندر كلەۆيتسكي قازىلار القاسىنا توراعالىق ەتتى. كاسىبي مامانداردان قۇرالعان القا بايقاۋ بارىسىندا دانانىڭ تالانتىن جوعارى باعالادى.
بالقاش قالاسى بالالار ونەر مەكتەبىنىڭ وقىتۋشىسى سۆەتلانا شوحاتاەۆا شاكىرتىمەن ماقتانادى.
– دانا فلەيتانىڭ ءۇنىن ينتەرنەتتەن ەستىپتى. سودان اجەسى نەمەرەسىنىڭ وسى اسپاپتا ويناپ ۇيرەنۋگە دەگەن قۇلشىنىسىن كورىپ, بىزگە الىپ كەلدى. دانا مۋزىكا مەكتەبىن سىرتتاي ءبىتىردى. ءتورت جىل ىشىندە بەس جىلدىق باعدارلامانى مەڭگەردى. ول – ەڭبەكقور, تاباندى. ونىڭ رۋحى كۇشتى. مىقتى مۋزىكانت بولۋ ءۇشىن ۇزاق ەڭبەك ەتۋ كەرەكتىگىن جاقسى تۇسىنەدى. قازىر دانا پ.چايكوۆسكي اتىنداعى الماتى مۋزىكالىق كوللەدجىنە تۇسۋگە دايىندالىپ جاتىر, – دەيدى سۆەتلانا شوحاتاەۆا.
قاراعاندى وبلىسى
