گۋمانيتارلىق كومەكتى جيناۋعا تەك مەملەكەتتىك ورگاندار مەن پارتيا ۇيىمدارى عانا ەمەس, كاسىپورىندار, جەكە تۇلعالار, كوممەرتسيالىق ەمەس ۇيىمدار, ءماسليحات دەپۋتاتتارى, دوستىق ءۇيى مەن قازاقستان حالقى اسسامبلەياسىنىڭ وكىلدەرى دە اتسالىسىپ, جەرلەستەرىنە ازىق-ت ۇلىك, ءدارى-دارمەك جانە ءبىرىنشى قاجەتتىلىك زاتتارىن جونەلتىپ جاتىر.
جينالعان زاتتار ارنايى كولىكتەرگە تيەلىپ, ورتپەن بەلسەندى كۇرەس جۇرگىزىلىپ جاتقان اۋماقتارعا, اتاپ ايتقاندا بورودۋليحا-جەرنوۆكا مەن وزەركي-تاليتساعا جەتكىزىلدى.
تەك سوڭعى تاۋلىكتە 1,5 توننا اۋىز سۋ, 400 كەلى قوي ەتى, قۇس ەتى, 600 كەلى كوكونىس (كارتوپ, پياز, ءسابىز), 100 ليتردەن استام ماي جەتكىزىلدى. شارۋا قوجالىقتارىنىڭ باسشىلارى ازىق-ت ۇلىك جەتكىزۋ ءۇشىن ەكى كولىك ءبولدى.
«وسىنداي قيىن ساتتە ءبارىمىز جۇدىرىقتاي جۇمىلۋىمىز كەرەك! ءبىزدىڭ وتانىمىز ءبىر! بۇل اپاتتى دا بىرگە ەڭسەرۋىمىز كەرەك», دەدى ەرىكتىلەردىڭ ءبىرى ەۆگەنيا پاۆەل.
