ۇيىمداسقان قىلمىسقا قارسى كۇرەس باسقارماسى ۇسىنعان اقپاراتقا سايكەس, بۇل تىزبەكتە «ازاماتتارعا ارنالعان ۇكىمەت» اق-عا قاراستى مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرلەرى, سونداي-اق وڭتۇستىك كورەيادان كولىك الىپ كەلۋدى جولعا قويعان ك. ەسىمدى ازامات كۇدىكتى دەپ تانىلدى.
«ك. ەسىمدى ازامات مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرلەرىمەن قىلمىستىق كەلىسىمگە كەلىپ, قازاقستان رەسپۋبليكاسىنىڭ اۋماعىندا كولىك قۇرالدارىن تىركەۋگە نەگىز بولاتىن قۇجاتتارعا جالعان مالىمەتتەر ەنگىزگەنى بەلگىلى بولدى. وسى زاڭسىز ارەكەتتەرىنىڭ ناتيجەسىندە كۇدىكتى باستاپقى مەملەكەتتىك تىركەۋ ءۇشىن بەلگىلەنگەن الىمدار, ياعني 340 ملن تەڭگەدەن استام سوممانى تولەۋدەن جالتارعان. تەرگەۋدىڭ وسى كەزەڭىندە 250 كولىك زاڭسىز اكەلىنىپ, تىركەلگەنى انىقتالدى», دەدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعاليەۆ.
ونىڭ ايتۋىنشا, بۇل ءىس قر قك-ءنىڭ 385-بابى (جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ) بويىنشا تىركەلگەن. قوزعالعان قىلمىستىق ءىستى الماتى قالالىق پد انىقتاۋ باسقارماسىن تەرگەپ جاتىر.
