سولاردىڭ قاتارىندا قازاقستان قۇراما كومانداسىنىڭ قورعاۋشىسى ءادىل بەكەتاەۆ تا بار. ول 1998 جىلدىڭ 23 ساۋىرىندە سولتۇستىك قازاقستان وبلىسىندا دۇنيەگە كەلدى. بويى 194 سانتيمەتر, سالماعى 88 كيلو. قانداسىمىز كەزىندە نەفتەكامسكىنىڭ «توروسى» مەن وسكەمەننىڭ «تورپەدوسىنىڭ» جاستار كومانداسىندا ونەر كورسەتتى. 2018 جىلى بۇكىلرەسەيلىك حوككەي ليگاسىندا (بحل) ويناسا, 2021 جىلى استانانىڭ «بارىس» كلۋبىنىڭ جەيدەسىن كيدى. ءادىل اراسىندا «نومادتىڭ» دا نامىسىن قورعادى. بيىلعى ماۋسىمدا «بارىستىڭ» ساپىندا 64 رەت مۇزايدىنعا شىققان ول 21 ۇپاي جينادى. سوڭعى ەكى جىلدا بەكەتاەۆ ۇلتتىق كوماندامىزدىڭ قۇرامىندا الەم چەمپيوناتىنىڭ ەليتالىق ديۆيزيونىندا ايشىقتى ويىن ورنەگىمەن كوزگە ءتۇستى.
جوعارىدا اتالعان سايتتاعى ماقالا اۆتورىنىڭ پىكىرىنشە, سولاقاي ستيلدە وينايتىن دارىندى قازاق قورعاۋشىسىنا جۋىق ارادا ۇلتتىق حوككەي ليگاسىنىڭ (ۇحل) سكاۋتتارى نازار اۋدارۋى ابدەن مۇمكىن.
