ەلوردا پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, جابىرلەنۋشىگە بەلگىسىز بىرەۋلەر قوڭىراۋ شالعان. ولار قىزىنىڭ پوليتسيادا ەكەندىگىن جانە ماسەلەنى شەشۋ ءۇشىن شۇعىل تۇردە اقشا جىبەرۋ كەرەك ەكەنىن ايتقان.
ەگدە جاستاعى ايەل ءمان-جايدى تۇسىنبەي, اقشا جيناي باستاعان. زەينەتكەر مەككەگە قاجىلىق جاساۋ ءۇشىن جيناعان 16 ملن تەڭگەسىن ساناعان. بىراق قىزىنىڭ قاۋىپسىزدىگى ماڭىزدىراق دەپ ويلاپ, اقشانى كەلگەن ادامعا بەرگەن. كەيىن ەسىنە ءتۇسىپ, قىزىنىڭ جاعدايى جاقسى ەكەندىگىن, ءوزىنىڭ الاياقتاردىڭ قۇربانى بولعانىن تۇسىنگەن ول پوليتسياعا جۇگىنگەن.
جەدەل-ىزدەستىرۋ ءىس-شارالارىن وتكىزۋ بارىسىندا كۋرەر رەتىندە كەلىپ, ايەلدەن اقشا العان 26 جاستاعى ەر ادام انىقتالدى. كۇدىكتى «كۋرەر» قىزمەتى ءۇشىن وعان جالپى سومانىڭ 10%-ى بەرىلۋى كەرەكتىگىن مويىندادى.
«اتالعان دەرەكتەر بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر استانا قالاسىنىڭ پد ۋاقىتشا ۇستاۋ يزولياتورىنا قامالدى. ولاردىڭ ەلوردا اۋماعىندا جاساعان باسقا دا وسىعان ۇقساس قىلمىستارعا قاتىسى بار-جوعى تەكسەرىلىپ جاتىر», دەدى استانا قالالىق پد كپب باستىعى داستان قاليەۆ.
استانا قالالىق پوليتسيا دەپارتامەنتى ازاماتتارعا قىراعى بولۋدى, وقيعانىڭ ءمان-جايىنا تولىق كوز جەتكىزبەستەن, بەيتانىس ادامدارعا اقشا بەرمەۋدى ەسكەرتەدى.
