دەسەك تە ءبىزدىڭ سپورتشىلار بۇل جارىستان قۇرالاقان ورالعان جوق. فرانتسيانىڭ باس شاھارىنا ساپار شەككەن جەتى جەرلەسىمىزدىڭ ەسەپشوتىنا تۇسكەن قاراجاتتىڭ جالپى كولەمى 485 مىڭ ەۋرونى قۇراپ وتىر. ەڭ كوپ ولجاعا كەنەلگەن يۋليا پۋتينتسەۆا. 28 جاستاعى ويىنشى جەكەلەگەن سايىستىڭ ءۇشىنشى كەزەڭىنە شىققانى ءۇشىن 142 مىڭ ەۋرو السا, جۇپتىق باسەكەنىڭ العاشقى اينىلامىندا ونەر كورسەتكەنى ءۇشىن 8,5 مىڭدى قالتاعا باستى. بارلىعى – 150,5 مىڭ ەۋرو. تەڭگەگە اۋدارساق بۇل 72,7 ميلليوندى قۇرايدى. دەنساۋلىعىنىڭ سىر بەرۋىنە بايلانىستى ءۇشىنشى كەزەڭنەن كەيىن جارىستى جالعاستىرۋدان باس تارتقان ەلەنا رىباكينا 142 مىڭدى (جەكەلەگەن سايىس) مىسە تۇتتى. ال وزگە تەننيسشىلەرىمىزدىڭ تابىسى مىناداي: الەكساندر بۋبليك – 77,5 مىڭ (جەكەلەگەن سايىس – 69 مىڭ, جۇپتىق باسەكە – 8,5 مىڭ), تيموفەي سكاتوۆ – 69 مىڭ (جەكەلەگەن سايىس), الەكساندر نەدوۆەسوۆ – 21,5 مىڭ (جۇپتىق باسەكە), اننا دانيلينا – 16 مىڭ (جۇپتىق باسەكە – 13,5 مىڭ, ميكس – 2,5 مىڭ) جانە اندرەي گولۋبەۆ – 8,5 مىڭ ەۋرو.
