توتەنشە جاعدايلار مينيسترلىگىنىڭ باسشىسى يۋري ءيليننىڭ حابارلاۋىنشا, سوڭعى 3 جىلدا مىڭنان استام ادام سۋعا كەتىپ, قايتىس بولدى. دەگەنمەن وتكەن جىلى سۋعا باتقاندار سانى 43%-عا ازايعان.
«ەلىمىزدىڭ سۋ ايدىندارىندا ادامداردىڭ قازا بولۋىنىڭ نەگىزگى سەبەپتەرى جابدىقتالماعان ورىنداردا شومىلۋ, بالالاردى ەرەسەكتەردىڭ قاراۋىنسىز قالدىرۋ, ماس كۇيدە جانە ءوز كۇشتەرىن جەتە باعالاماۋ بولىپ وتىر», دەدى مينيستر.
تجم سۋداعى ادامداردىڭ قاۋىپسىزدىگىن قامتاماسىز ەتۋ ءۇشىن پوليتسيا دەپارتامەنتتەرى جانە اكىمدىكتەرمەن بىرلەسىپ, ۇيىمداستىرۋشىلىق جانە پراكتيكالىق ءىس-شارالار كەشەنىن جۇرگىزىپ جاتىر.
اتاپ ايتقاندا, 45 مىڭنان استام رەيد جانە پاترۋلدەۋ ۇيىمداستىرىلىپ, 480 بۇزۋشى اكىمشىلىك جاۋاپكەرشىلىككە تارتىلدى.
«بالالارعا ارنالعان قاۋىپسىز جاعاجايلاردا, ستاتسيونارلىق جاعاجايلاردا جانە ءمودۋلدى-قاڭقالى باسسەيندەردە تجم قۇتقارۋشىلارى اكىمدىكتەرمەن بىرلەسىپ بالالاردى ءجۇزۋ داعدىلارىنا ۇيرەتىپ جاتىر», دەدى يۋ.يلين.
