انىقتالعانداي, وقتى 28 جاستاعى سەرجانت اتقان. كۋاگەردىڭ ايتۋىنشا, پوليتسەيلەر اراسىندا كيكىلجىڭ بولماعان. وقيعا كەزىندە ەكى پوليتسەي دە اس بولمەسىندە بولعان. كەزدەيسوق وق اتىلىپ, سالدارىنان وفيتسەر العان جاراقاتىنان سول جەردە كوز جۇمىپتى.
«بۇگىن, 5 ماۋسىمدا قىزمەتتىك قارۋمەن ابايسىز ارەكەت ەتۋ سالدارىنان پوليتسيا قىزمەتكەرى ارىپتەسىنە وق اتقان. العان جاراقاتىنان وفيتسەر كوز جۇمدى. اتالعان دەرەك قر قىلمىستىق كودەكسىنىڭ 104-بابى بويىنشا سوتقا دەيىنگى تەرگەۋلەردىڭ بىرىڭعاي تىزىلىمىنە تىركەلدى. ءتيىستى ساراپتامالار تاعايىندالدى», دەلىنگەن قالالىق پوليتسيا دەپارتامەنتى تاراتقان حابارلامادا.
