بايقوڭىر قالاسىندا جالپىحالىقتىق پاتريوتتىق ءىس-شارالار ۇيىمداستىرىلىپ, بارلىق اۋداندا ەلتاڭبا اۆتورى, سىربويىلىق جانداربەك مالىبەكوۆتىڭ ەڭبەگى كەڭىنەن ناسيحاتتالدى. مەملەكەتتىك تۋ اۆتورى, سۋرەتشى شاكەن نيازبەكوۆتىڭ 85 جىلدىعىنا ارنالعان ءىس-شارالار, پاتريوتتىق اكتسيالار, كورمەلەر مەن تانىمدىق ساعاتتار وتكىزىلدى.
اتاۋلى كۇنگە ارنالعان اۋقىمدى جيىن وبلىس ورتالىعىنداعى رامىزدەر الاڭىندا ءوتتى. قاي مەملەكەتتىڭ دە مارتەبەسىن ايقىندايتىن باستى قۇندىلىق – شەكاراسى, استاناسى جانە مەملەكەتتىك رامىزدەرى ەكەنىن اتاپ وتكەن وبلىس اكىمى نۇرلىبەك نالىباەۆ جينالعانداردى مەرەكەمەن قۇتتىقتادى.
– مەملەكەت باسشىسىنىڭ «قاسيەتتى نىشاندارىمىزدا قازاقتىڭ مىڭ جىلدىق ارمان-تىلەگى, ماقسات-مۇراتى تۇگەل توعىسقان. كوك بايراعىمىز – مىزعىماس مەملەكەتتىلىكتىڭ بەلگىسى. ەلتاڭبامىز – ازاتتىقتىڭ ايشىقتى كورىنىسى. ال, ءانۇرانىمىز – ەركىندىك پەن ەلدىكتىڭ ءۇنى. تاۋەلسىزدىكتىڭ وسى ءۇش سيمۆولى حالقىمىزعا ەرەكشە رۋح بەرەدى. ويتكەنى, بۇل – بابالارىمىزدىڭ ورىندالعان ارمانى», دەگەن سوزىنەن ەلىمىزدىڭ باستى قۇندىلىقتارىنا دەگەن ەرەكشە قۇرمەتتى كورەمىز. رامىزدەرىمىزدى ەلدىگىمىزدىڭ ۇرانى, پاتريوتتىعىمىزدىڭ باستاۋى, وتانىمىزدىڭ ماقتانىش سيمۆولى رەتىندە تانىتۋ ءبارىمىزدىڭ بورىشىمىز, – دەدى وبلىس اكىمى.
پاتريوتتىق ءىس-شارادا وتان, اتامەكەن, تۋعان جەر تۋرالى اندەر ورىندالدى. مەملەكەتتىك تۋدى جەلبىرەتكەن جەڭىل كولىكتەر مەن موتوشاباندوزدار شەرۋى كوشە بويلاپ ءجۇرىپ ءوتتى.
بايقوڭىر
