1. كانكۋن سۋ استىنداعى ونەر مۋزەيى, مەكسيكا
بۇل الەمدەگى ەڭ ۇلكەن سۋ استى مۋزەيى. مۋزەيدە 500 ءمۇسىن ورنالاسقان, ولاردىڭ كوپشىلىگى بريتاندىق ءمۇسىنشى دجەيسون دەكەيرس تەيلورعا, ال قالعاندارى جەرگىلىكتى مەكسيكالىق مۇسىنشىلەرگە تيەسىلى.
2. ميكروپيا, امستەردام
بۇل ميكروبتار تۋرالى اقپارات بەرەتىن الەمدەگى جالعىز مۋزەي. 
3. حالىقارالىق تىڭشىلىق مۋزەيى, اقش
حالىقارالىق تىڭشىلىق مۋزەيى كەلۋشىلەردى تىڭشىلىق پەن بارلاۋ الەمى تۋرالى قىزىقتى تۇردە دەرەكتەرمەن تانىستىرادى. قۇپياعا تولى تاقىرىپتاردى اشۋدىڭ تاريحتاعى ماڭىزدى ءرولىن تۇسىنۋگە جانە ونى بۇگىنگى كۇنى قولدانۋعا مۇمكىندىك بەرەدى.
مۇندا شپيوندىق ارتەفاكتىلەردىڭ ەڭ ۇلكەن كوللەكتسياسى بار.
4. مۋميا مۋزەيى, مەكسيكا
مۋزەيدە جۇزدەن استام مۋميا قويىلعان. ولاردىڭ كوپشىلىگى 1850-1950 جىلدارى گۋاناحۋاتو تۇرعىندارى بولعان. مۋزەيدە الەمدەگى ەڭ كىشكەنتاي مۋميا دا بار.
5. كەسپە مۋزەيى, جاپونيا
العاشقى تەز دايىندالاتىن كەسپەنى (رامەندى) موموفۋكۋ اندو 1958 جىلى ويلاپ تاپقان. سودان بەرى ول بۇكىل الەمگە تانىمال بولدى. وساكاداعى مۋزەي كەلۋشىلەرگە تەز دايىندالاتىن كەسپەنىڭ اشىلۋى تاريحى مەن تۇرلەرىن تانىستىرادى. سونداي-اق مۋزەي قوناقتارى سول جەردە كەسپە دايىنداپ جەي الادى.
