«ورتاق مۇددەلەرگە سۇيەنە وتىرىپ, ءبىز وسى ستراتەگيالىق ماڭىزدى مۇناي قۇبىرى ارقىلى ۇزاق مەرزىمدى جانە تۇراقتى جەتكىزۋدى قامتاماسىز ەتۋ ءۇشىن ەو-نىڭ ودان ءارى قولداۋىنا سەنەمىز», دەدى پرەزيدەنت.
سونداي-اق مەملەكەت باسشىسىنىڭ ايتۋىنشا, قازاقستان ازەربايجاندىق ارىپتەستەرىمەن تىعىز ىنتىماقتاستىقتا ترانسكاسپي باعىتىن دا دامىتىپ جاتىر. ماسەلەن, بيىلعى جىلدىڭ باسىنان بەرى قازاقستان مۇنايى اقتاۋ-باكۋ-تبيليسي-دجەيحان باعىتى بويىنشا جىلىنا 1,5 ميلليون توننا كولەممەن ايدالدى.
«ورتا مەرزىمدى پەرسپەكتيۆادا ءبىز اقتاۋ-باتۋمي باعىتىندا مۇناي ەكسپورتىن كەڭەيتۋدى, سونداي-اق ترانسكاسپي باعىتىنىڭ قۇبىرلارى ارقىلى ايداۋ كولەمىن ۇلعايتۋدى جوسپارلاپ وتىرمىز», دەدى ق.توقاەۆ.
سونىمەن قاتار قازاقستان «درۋجبا» قۇبىرى ارقىلى گەرمانياعا مۇناي جەتكىزە باستادى. وسى جىلدىڭ باسىنان بەرى 90 مىڭ توننا كولەمىندە جەتكىزىلىم جۇزەگە اسىرىلدى.
«بۇل كورسەتكىشتى الداعى ۋاقىتتا ۇلعايتۋ مۇمكىندىگىمەن جىلىنا 1,2 ميلليون تونناعا جەتكىزۋ مۇمكىندىگى بار», دەدى ەل پرەزيدەنتى.
