«سوڭعى جىلدارى ورتالىق ازيا ەلدەرىنىڭ ايماقىشىلىك ەكونوميكالىق بايلانىستارى ساپالى جاڭا دەڭگەيگە كوتەرىلدى. وتكەن جىلدىڭ وزىندە قازاقستاننىڭ ايماق ەلدەرىمەن ساۋداسى 19 پايىزعا ءوسىپ, 8 ميلليارد دوللاردى قۇرادى. الداعى ۋاقىتتا بۇل كورسەتكىشتى 15 ميللياردقا جەتكىزۋ مىندەتىن قويدىق», دەدى پرەزيدەنت.
مەملەكەت باسشىسىنىڭ ايتۋىنشا, ەۋروپالىق وداق ەلدەرىمەن وڭىرلىك ساۋدا كولەمى دە سەرپىندى ءوسىپ كەلەدى. وتكەن جىلدىڭ سوڭىندا بۇل كورسەتكىش 60 پايىزدان استام ءوسىپ, 49 ميلليارد دوللارعا جەتتى.
ء«بىرىنشى كەزەكتەگى مىندەت - ساۋدا نومەنكلاتۋراسىن كەڭەيتۋ ارقىلى ەكسپورتتى ۇلعايتۋ. قازاقستان ەو ەلدەرىنە ماشينا جاساۋ, تەمىر جانە بولات ءوندىرۋ, تاماق ونەركاسىبى سياقتى سالالاردا قۇنى 2,3 ميلليارد دوللار بولاتىن 175 شيكىزات ەمەس تاۋار ءتۇرى بويىنشا ەكسپورتىن ۇلعايتۋعا دايىن», دەدى ەل پرەزيدەنتى.
