ۆەدومستۆو وكىلدەرى حابارلاعانداي, ب.مامبەتساپاەۆ ءوز لاۋازىمدىق مارتەبەسىن پايدالانىپ, جۇمىسقا قابىلداۋ تۋرالى بەكىتىلگەن قاعيدالاردى ورەسكەل بۇزىپ, ءوزىنىڭ بىرقاتار تانىستارىن «وزەنمۇنايگاز» اق-نا زاڭسىز كىرگىزگەن.
«كومپانياعا جۇمىسقا كىرۋ ءۇشىن جاڭاوزەن قالاسىنىڭ 9 مىڭنان استام تۇرعىندارى كەزەككە تىركەلگەن. تانىستارىنىڭ جۇمىسسىزدار قاتارىندا بولماعاندارىن, ءتيىستى ماماندىققا بىلىكتىلىكتەرى سايكەس كەلمەيتىندىگىن جانە جۇمىسقا مۇلدەم كەلمەگەندەرىن ب. مامبەتساپاەۆتىڭ انىق بىلگەندىگى تەرگەۋمەن انىقتالدى», دەپ ناقتىلادى اگەنتتىك.
ب.مامبەتساپاەۆتىڭ زاڭسىز ءىس-ارەكەتتەرى سالدارىنان مەملەكەتكە 46 ملن تەڭگەدەن استام زالال كەلتىرىلىپ, جاڭاوزەن قالاسى تۇرعىندارىنىڭ كومپانياعا ورنالاسۋىنا كوزدەلگەن قۇقىقتارىن ورەسكەل بۇزىلۋىنا اكەپ سوققان.
قازىرگى تاڭدا ب. مامبەتساپاەۆتىڭ باسقا دا زاڭسىز ارەكەتتەرى, كومپانيانىڭ لاۋازىمدى تۇلعالاردىڭ جانە مەردىگەر مەكەمەلەردىڭ بيۋدجەتتىك قاراجاتتاردى جىمقىرۋ فاكتىلەرى تەرگەلىپ جاتىر.
