قازاقستان ازاماتتارى الاياقتاردان قورعانۋ ءۇشىن ءوز اتىنا نەسيە الۋعا تىيىم سالا الادى.
ءتيىستى زاڭنامالىق تۇزەتۋلەردى قارجى نارىعىن رەتتەۋ جانە دامىتۋ اگەنتتىگى ازىرلەدى.
وعان سايكەس:
- جەكە تۇلعانىڭ نەسيە مەن ميكروكرەديتتەردى الۋدان ەرىكتى تۇردە باس تارتۋ قۇقىعى ەلەكتروندى ۇكىمەت پورتالىندا جانە eGov Mobile قوسىمشاسىندا جۇزەگە اسادى.
- قارىز الۋشىنىڭ نەسيە تاريحىندا بۇرىن باس تارتقانى تۋرالى مالىمەتتەر بولسا, بانكتەر مەن ميكروقارجى ۇيىمدارىنان جەكە تۇلعاعا نەسيە بەرۋگە تىيىم سالۋدى ەنگىزەدى.
- راسىمدەۋگە تىيىم سالعان جاعدايدا جەكە تۇلعانى بەرىلگەن قارىز بويىنشا مىندەتتەمەلەردەن بوساتۋ تۋرالى تۇزەتۋ ەنگىزىلەدى.
ۆەدومستۆونىڭ ايتۋىنشا, زاڭنامالىق تۇزەتۋلەر مۇددەلى مەملەكەتتىك ورگاندارمەن بىرگە تالقىلانىپ جاتىر.
