سنەجاننا يماشەۆانىڭ ايتۋىنشا, جۋىردا بۇل باپتار ءوز كۇشىن جويادى.
تۇڭعىش پرەزيدەنتكە ءتىل تيگىزگەنى ءۇشىن جاۋاپكەرشىلىك تۋرالى باپتى الىپ تاستاۋ تۋرالى نورما ءماجىلىستىڭ قاراۋىنا ەنگىزىلمەك.
دەپۋتات تۇسىندىرگەندەي, كونستيتۋتسيادا «ەلباسى» دەگەن مارتەبە قاراستىرىلماعان, وكىلەتتىكتەرى دە كورسەتىلمەگەن, سوندىقتان بۇل باپتار ەندى قاجەت ەمەس. دەپۋتاتتىڭ ايتۋىنشا, اتالعان باپتارعا قاتىستى قىلمىستىق جاۋاپكەرشىلىك قاراستىرىلمايدى, ەشقانداي جازا قولدانىلمايدى.
«اكتيۆتەردى قايتارۋعا قاتىستى زاڭ جوبالارىنىڭ بارلىق پاكەتىن قابىلداعان كەزدە, بۇل نورمالار دا الىنىپ تاستالادى. وسى نورمالاردى ماجىلىستەگى ءبىزدىڭ كوميتەت قاراستىرىپ جاتىر. ءتىل تيگىزگەنى ءۇشىن قاراستىرىلعان جاۋاپكەرشىلىك نورماسى جويىلادى», دەپ ءتۇسىندىردى يماشەۆا.
