بۇگىن 2022-2023 وقۋ جىلىنىڭ سوڭعى كۇنى. ەل بويىنشا 172 مىڭ تۇلەك 11-سىنىپ ءبىتىردى, ونىڭ ىشىندە 6 800 وقۋشى - «التىن بەلگى» ۇمىتكەرلەرى.
«9-سىنىپتى 288 مىڭنان استام تۇلەك ءتامامادادى. 1-10 سىنىپ ارالىعىنداعى بالالاردىڭ 85,3 پايىزى, اتاپ اتيقاندا 2 ملن 800 مىڭ بالا جازعى دەمالىس جانە ساۋىقتىرۋ باعدارلامالارىمەن قامتىلادى. ونىڭ 500 مىڭى - جەكەلەگەن ساناتتاعى وتباسى بالالارى», دەلىنگەن مينيسترلىك حابارلاماسىندا.
بالالار دەمالىسىن ۇيىمداستىرۋ ءۇشىن 218 قالا سىرتىنداعى جانە 10 200 مەكتەپ جانىنداعى, پروفيلدىك, شاتىرلى لاگەرلەر جۇمىس ىستەيتىنى قوسا حابارلاندى.
«سونداي-اق «ەتنواۋىل», «جازدىق جولداما» جوبالارى ىسكە اسىرىلادى. جازعى دەمالىستا 1 ملن 400 مىڭ بالا ءۇشىن قوسىمشا ءبىلىم بەرۋ مەكەمەلەرىندەگى سەكتسيالار مەن ۇيىرمەلەر اشىلادى. عىلىمي-تەحنيكالىق, مۋزىكالىق, كوركەمدىك, ەكولوگيالىق, تۋريستىك جانە باسقا دا باعىتتارداعى 11 مىڭ ۇيىرمە بالالاردى قابىلداۋعا ءازىر», دەپ قوستى ۆەدومستۆو وكىلدەرى.
