قاراقۇمىق باعاسىنىڭ تومەندەۋ قارقىنى ساقتالۋدا, ءبىر اپتا ىشىندە جارما باعاسى تاعى 1,2%-عا, جىل باسىنان بەرى بارلىعى 23%-عا تومەندەدى. سونىمەن قاتار كۇنباعىس مايدىڭ باعاسى – 0,4%-عا (جىل باسىنان بەرى 5,8%-عا تومەندەۋ), ۇن – 0,2%-عا (جىل باسىنان بەرى-2,5%) تومەندەۋ ءۇردىسى جالعاسىپ كەلەدى.
سونداي-اق وسى اپتادا, جالپى العاندا, پاۆلودار وبلىسى بويىنشا ءامات-قا باعا يندەكسىنىڭ 0,3%-عا تومەندەۋى بايقالدى. مۇنداي ايتارلىقتاي تومەندەۋ ۇلەسى كوپ جاعدايدا كۇنباعىس مايى مەن جۇمىرتقا باعاسىنىڭ تومەندەۋىنە بايلانىستى.
اۋىل شارۋاشىلىعى ۆيتسە-ءمينيسترى ەربول تاسجۇرەكوۆ وتكەن جىلدىڭ ماۋسىمارالىق كەزەڭدەرىندەگى استىق قورىنىڭ بار-جوعى مەن ەرتە وراق جۇمىستارىنىڭ قورىتىندىسى تۋرالى باياندادى. كەلتىرىلگەن مالىمەتتەر بويىنشا تۇركىستان وبلىسىندا ەرتە كارتوپ جيناۋ باستالىپ, ماۋسىم-شىلدە ايلارىنداعى جوسپار 180,4 مىڭ توننانى قۇرايدى. الماتى وبلىسىندا ماۋسىم-شىلدە ايلارىندا بۇل كوكونىستى 37,8 مىڭ توننا كولەمىندە جيناۋ جوسپارلانىپ وتىر. وسىلايشا, وڭىرلەردى كارتوپپەن قامتاماسىز ەتۋدىڭ قاجەتتى دەڭگەيى وڭتۇستىك وڭىرلەردەن ەرتە ءونىم الۋمەن جابىلادى.
وتكەن جىلعى ءسابىزدىڭ قورى بولعان جاعدايدا ماۋسىم ايىنداعى ىشكى نارىق سۇرانىسىنىڭ نەگىزگى بولىگىن يمپورت ەسەبىنەن جابۋ جوسپارلانىپ وتىر. بۇل رەتتە ماۋسىم ايىنىڭ سوڭىنا قاراي تۇركىستان وبلىسىندا ەرتە پىسەتىن ءسابىزدى جيناۋ باستالادى, مەجەلى جوسپار – 30,3 مىڭ توننا. وبلىس بويىنشا قازىردىڭ وزىندە 90,8 مىڭ توننا قىرىققابات جينالدى. قازىرگى جانە الداعى ۋاقىتتا جينالاتىن ەرتە پىسەتىن كوكونىس ءونىمى نارىق قاجەتتىلىگىن وتەۋ ءۇشىن جەتكىلىكتى. تۇركىستان وبلىسى اكىمدىگىنىڭ مالىمەتىنشە, قازىرگى تاڭدا قىرىققاباتتىڭ ەگىستىك باسىنداعى قۇنى 70-تەن 100 تگ/كگ ارالىعىندا.
جامبىل وبلىسىندا 105,8 مىڭ توننا, تۇركىستان وبلىسىندا ەرتە ءونىم بەرەتىن 55,4 مىڭ توننا پيازدى جيناۋ جوسپارلانىپ وتىر. ماۋسىم ايىندا اكك قورىنىڭ كولەمى قالىپتاسقانىن ەسكەرە وتىرىپ, وڭىرلەرگە شىلدە ايىندا وڭتۇستىك وبلىستاردان جەتكىزۋدى جۇزەگە اسىرۋ ۇسىنىلدى.
2024 جىلعى قىس-كوكتەمگى ەگىندى جيناۋعا كەلەر بولساق, فورۆاردتىق ساتىپ الۋ بويىنشا الداعى كۇزگى جيىن-تەرىمگە 129 مىڭ توننا كوكونىس: كارتوپ – 70,6 مىڭ توننا, ءسابىز – 19,7 مىڭ توننا, پياز – 22 مىڭ توننا جانە قىرىققابات – 16,5 مىڭ توننا جەتكىزۋگە شارتتار جاسالدى.
كەڭەس بارىسىندا قىزىلوردا وبلىسىنىڭ اكىمدىگى تاۋار وندىرۋشىلەردى فورۆاردتىق شارتتار جاساسۋ كەزىندە كەپىلمەن قامتاماسىز ەتۋ, وندىرۋشىلەردىڭ قويمالارىندا كەلىسىمشارتقا وتىرعان ءونىمدى (كارتوپتى) ساقتاۋ مۇمكىندىگى جايلى ماسەلەلەر كوتەرىلدى. ماسەلەنى قاراۋ قورىتىندىسى بويىنشا سەرىك جۇمانعارين اۋىل شارۋاشىلىعى مينيسترلىگىمەن بىرلەسىپ, مەحانيزمدى پىسىقتاۋدى تاپسىردى
سونىمەن قاتار وڭىردە ماۋسىم ايىنىڭ باسىندا كۇرىش ەگۋدى اياقتاۋ جوسپارلانىپ وتىر. قىزىلوردا وبلىسىنىڭ اكىمدىگى تاراپىنان كۇزگى ەگىندى ساتىپ الۋ بويىنشا كەلىسىمشارتتار جاساۋ ءۇشىن مۇددەلى مەملەكەتتىك ورگانداردىڭ, وبلىستىق اكك, باسقا وڭىرلەردىڭ ساۋدا جەلىلەرى وكىلدەرىنىڭ تىكەلەي قاتىسۋىمەن كەزدەسۋلەر وتكىزۋ ۇسىنىلدى. بۇل كۇرىش باعاسىن ساقتاۋدى ەسكەرە وتىرىپ, بەكىتۋگە مۇمكىندىك بەرەدى, سونىمەن قاتار جىل بويىنا ساۋدا مارجاسىن ودان ءارى رەتتەۋگە مۇمكىندىك بەرەدى.
سەرىك جۇمانعارين قىزىلوردا وبلىسى اكىمدىگىنىڭ كۇرىش جونىندە ەرتە كەلىسىمشارت جاساسۋعا قاتىستى ۇسىنىسىن قولدادى. سونداي-اق الەۋمەتتىك ازىق-ت ۇلىك باعاسىنىڭ ءوسۋىن ودان ءارى تەجەۋ ءۇشىن بارلىق قاجەتتى شارالاردى قابىلداۋدى تاپسىردى.
