تەحنيكا باعاسىنىڭ قىمباتتاۋىنا ونىمدەرگە ەنگىزىلەتىن جاڭا تەحنولوگيالار مەن يننوۆاتسيالار سەبەپ بولادى. جاڭا مۇمكىندىكتەردى ازىرلەپ, ولاردى تەحنيكاعا ەنگىزۋ ايتارلىقتاي ينۆەستيتسيالاردى قاجەت ەتەدى.
شيكىزات ماتەريالدارى
مەتالل, پلاستماسسا جانە جارتىلاي وتكىزگىشتەر سياقتى شيكىزات باعاسى - تەحنيكانىڭ قۇنىنا اسەر ەتەتىن ماڭىزدى فاكتور. ماسەلەن, اككۋمۋلياتورلاردا ءجيى قولدانىلاتىن ليتي جانە كوبالت سياقتى كەيبىر شيكىزات باعاسىنىڭ كوتەرىلۋى ءونىمنىڭ باعاسىنا اسەر ەتىپ, ءوندىرىس شىعىندارىنىڭ وسۋىنە اكەلدى.
كومپونەنتتەر مەن جەتكىزۋشىلەر
پروتسەسسور, جاد, ەكراندار مەن كامەرالار سياقتى تەحنيكالىق كومپونەنتتەردى جەكە وندىرۋشىلەر جەتكىزەدى. بۇل كومپونەنتتەردىڭ باعاسى نارىقتاعى سۇرانىس پەن ۇسىنىسقا بايلانىستى وزگەرۋى مۇمكىن. سۇرانىس جوعارى بولىپ, ۇسىنىس جەتكىلىكسىز بولعان كەزدە كومپونەنتتەردىڭ باعاسى وسەدى دە, دايىن ونىمدەر قىمباتتاي تۇسەدى.
ۆاليۋتالىق اۋىتقۋلار
ادەتتە, تەحنيكا ءبىر ەلدە شىعارىلىپ, ەكىنشى ەلدە ساتىلادى. ۆاليۋتا باعامدارىنىڭ وزگەرۋى دە تەحنيكانىڭ باعاسىنا اسەر ەتەدى. ەگەر ءوندىرۋشى ەلدىڭ ۆاليۋتاسى يمپورتتاۋشى ەلدىڭ ۆاليۋتاسىنا قاتىستى نىعاياتىن بولسا, يمپورتتالاتىن تەحنيكانىڭ قۇنى دا وسەدى.
كەدەندىك باجدار مەن سالىقتار
بىرقاتار ەلدە يمپورتتالعان تەحنيكاعا كەدەندىك باجدار مەن سالىقتار ەنگىزىلگەن. بۇل رەتتە قوسىمشا شىعىندى ءوز مويىندارىنا الاتىن وندىرۋشىلەر ءونىم باعاسىن كوتەرۋى مۇمكىن.
تەحنيكانىڭ باعاسى جوعارىدا اتالعان فاكتورلارعا تىكەلەي بايلانىستى بولىپ وتىر. بۇل فاكتورلاردى ەسكەرۋ باعانىڭ ءوسۋ سەبەپتەرىن تۇسىنۋگە جانە جاڭا جابدىقتى ساتىپ الۋ كەزىندە وڭتايلى شەشىم قابىلداۋعا كومەكتەسەدى.
گاۋحار سۇيىنگەرەەۆا,
ل.ن.گۋميلەۆ اتىنداعى ەۇۋ ستۋدەنتى
