برەندا فرۋگۆيرتوۆا WTA رەيتينگىندە 146-ورىندا تۇر. ول نەبارى 16 جاستا.
ماتچ ەرتەڭ, 28 مامىردا وتەدى.
ال تاعى ءبىر قازاقستاندىق تەننيسشى يۋليا پۋتينتسەۆا ءبىرىنشى راۋندتا بەلگيالىق مارينا زانەۆسكايامەن وينايدى. يۋليا پۋتينتسەۆا مۇنىڭ الدىندا راباتتاعى (ماروككو) ءتۋرنيردىڭ شيرەك فينالىندا ارگەنتينالىق تەننيسشى حۋليا ريەرادان جەڭىلىپ قالعان ەدى.
سونىمەن قاتار, ەرلەر اراسىنداعى قازاقستاننىڭ ءبىرىنشى راكەتكاسى الەكساندر بۋبليكتىڭ دە العاشقى ماتچتاعى قارسىلاسى بەلگىلى بولدى. ول يتاليالىق تەننيسشى دجۋليو زەپپەريمەن وينايدى.
ال قازاقستاننىڭ ەكىنشى راكەتكاسى تيموفەي سكاتوۆ العاش رەت تەننيستەن 2023 جىلعى فرانتسياداعى اشىق چەمپيوناتتىڭ نەگىزگى كەزەڭىندە ونەر كورسەتەدى. ول كەشە, 26 مامىردا ىرىكتەۋ كەزەڭىنىڭ فينالىندا برازيليالىق فەليپە مەليگەن الۆەستى جەڭگەن ەدى.
