پرەزيدەنتتىڭ ءباسپاسوز حاتشىسى رۋسلان جەلدىباي Facebook-تەگى پاراقشاسىندا پرەزيدەنتتىڭ ماسكەۋدە وتكەن ەۋرازيالىق فورۋمعا قاتىسقانى جونىندە پىكىر ءبىلدىردى، دەپ حابارلايدى Egemen.kz.
«وزدەرىڭىزگە ءمالىم، مەملەكەت باسشىسى جاقىندا ماسكەۋ قالاسىندا وتكەن II ەۋرازيالىق ەكونوميكالىق فورۋمعا قاتىستى. پرەزيدەنت جيىن بارىسىندا بۇگىندە ساراپشىلار قاۋىمداستىعى كەڭىنەن تالقىلاپ جاتقان بىرقاتار مالىمدەمە جاسادى.
ەاەو اياسىنداعى ينتەگراتسيا تەك قانا ەكونوميكالىق سيپاتتا عانا ءجۇرۋى كەرەك. بۇل – پرەزيدەنتتىڭ نەگىزگى ۇستانىمى. ونىڭ شەڭبەرىنەن شىعۋ ۇيىمنىڭ جارعىلىق قۇجاتتارىنىڭ ماقساتتارىنا، پرينتسيپتەرى مەن مىندەتتەرىنە قايشى كەلەدى.
پرەزيدەنت اتاپ وتكەندەي، ەكونوميكالىق ينتەگراتسيا – بۇل تۇپكى ماقسات ەمەس، ول ەكونوميكانى دامىتۋدىڭ جانە حالىقتارىمىزدىڭ ءال-اۋقاتىن ارتتىرۋدىڭ نەگىزگى قۇرالدارىنىڭ ءبىرى. ياعني، ۇيىم اياسىندا قابىلداناتىن كەز كەلگەن شەشىم ونىڭ ءاربىر مۇشەسىنە جانە، ەڭ الدىمەن، ولاردىڭ ازاماتتارىنا پايداسىن تيگىزۋى ءتيىس»، دەپ جازدى ر.جەلدىباي.
سونىمەن قاتار ول پرەزيدەنتتىڭ ءتۇرلى دەڭگەيدەگى ينتەگراتسيا ماسەلەسىن قوزعاعانىن جازعان.
«بۇگىندە ەاەو-نىڭ ەكى مۇشەسى – رەسەي مەن بەلارۋس ءوزارا ىقپالداستىقتىڭ جوعارى دەڭگەيىنە شىقتى. بۇل – ەرەكشە پرەتسەدەنت. مەملەكەت باسشىسىنىڭ پايىمىنشا، شىن مانىندە، ءبىر حالىق جانە ءبىر مەملەكەت تۋرالى ءسوز بولىپ وتىر. وسى رەتتە مۇلدە باسقا ماقساتتاردى كوزدەگەن ەكى ءتۇرلى ينتەگراتسيالىق جوبا شەڭبەرىندەگى باستامالاردىڭ ارا-جىگىن اجىراتۋ اسا ماڭىزدى.
ءبىزدىڭ ەلىمىزگە كەلەتىن بولساق، قازاقستان قانداي دا ءبىر وداقتاس مەملەكەتتەر قۇرۋعا نەمەسە ولاردىڭ قۇرامىنا كىرۋگە نيەتتى ەمەس جانە ونى جوسپارلاپ وتىرعان جوق»، دەلىنگەن جازبادا.
الەم • كەشە
قازاقستاندا الكوگولسىز سۋسىن ءوندىرىسى ارتتى
قازاقستان • كەشە
«ارسەلورميتتال تەمىرتاۋ» تسەحىندا ءورت بولدى
قوعام • كەشە
پەتروپاۆل تۇرعىنى ەسىرتكىنىڭ ءىرى پارتياسىمەن ۇستالدى
ايماقتار • كەشە
مەملەكەت باسشىسى قاتار ءامىرى باستاعان دەلەگاتسيامەن كەزدەستى
پرەزيدەنت • كەشە
ۇقساس جاڭالىقتار
ونلاين 
