«كەلەسى جىلى ءبىزدىڭ بىرلەستىككە 10 جىل تولادى. ءبىز ەاەو-نىڭ مەرەيتويلىق سامميتىنە جينالامىز. بۇل ماڭىزدى وقيعا ءجۇرىپ وتكەن جولىمىزدى ەگجەي-تەگجەيلى سارالاپ, وداقتىڭ ءارى قارايعى ستراتەگيالىق كەلەشەگىن انىقتاۋعا جاقسى سەبەپ بولۋى كەرەك دەپ سانايمىن», دەدى مەملەكەت باسشىسى.
سونىمەن قاتار پرەزيدەنت ەۋرازيالىق ينتەگراتسيانىڭ العاشقى 10 جىلدىق قورىتىندىلارىن قۇجاتپەن قاتتاۋدى ۇسىندى.
«وسىعان بايلانىستى كوميسسياعا جوعارى كەڭەستىڭ كەلەسى وتىرىسىنا ەۋرازيالىق ينتەگراتسيانىڭ ءبىرىنشى كەزەڭى تۋرالى بايانداما دايىنداۋدى تاپسىرۋدى ۇسىنامىن. وندا نەگىزگى قورىتىندىلار مەن جەتىستىكتەر, سونداي-اق ءارى قارايعى ينتەگراتسيالىق دامۋ باعىتىنداعى ناقتى ۇسىنىستار كورسەتىلۋى كەرەك», دەدى ول.
