اتاپ ايتقاندا, اقتوبە, اقمولا, شىعىس قازاقستان وبلىستارى مەن شىمكەنت قالاسىنداعى مەكتەپكە دەيىنگى ۇيىمدارمەن كەزدەسۋلەر ءوتىپ, ينوۆاتسيالىق بالاباقشا ءوزىنىڭ زاماناۋي ادىستەرى مەن تەحنولوگيالارىمەن تانىستىرىپ, وزىق پەداگوگيكالىق تاجىريبەسىمەن ءبولىستى.
اتىراۋ قالاسىنداعى كەزەكتى جۇمىس ساپارى اياسىندا «قارلىعاش» بالاباقشاسىنىڭ باسشىسى بەيبىتگۇل قازاقپاەۆا باستاعان پەداگوگتەر توبى جەرگىلىكتى 7 بالاباقشادا بولىپ, كەزدەسۋلەر وتكىزدى. سونداي-اق اتىراۋ قالالىق ءبىلىم ءبولىمىنىڭ ماماندارى جانە پەداگوگتەردىڭ باسىن قوسقان دوڭگەلەك ۇستەلگە قاتىستى. وتىرىستا اتىراۋ قالالىق ءبىلىم ءبولىمىنىڭ مەكتەپكە دەيىنگى تاربيە ءبولىمىنىڭ ادىسكەرى جۇماعانىم قاراباليەۆا مۇنداي شارالاردىڭ وڭىردەگى مەكتەپكە دەيىنگى ۇيىمداردىڭ پەداگوگتەرىنە تاجىريبە الماسۋ, بىلىكتىلىگىن ارتتىرۋ تۇرعىسىنداعى ماڭىزدىلىعىن اتاپ ءوتتى.
«قارلىعاش» بالاباقشاسىنىڭ ديرەكتورى بەيبىتگۇل قازاقپاەۆا اتىراۋلىق ارىپتەستەرىن بالاباقشانىڭ جەتىستىكتەرىمەن تانىستىرىپ, وقىتۋدىڭ يننوۆاتسيالىق ادىستەرىنە جان-جاقتى توقتالدى. مەكتەپكە دەيىنگى ۇيىمنىڭ ماماندارى اسەل سادۆاكاسوۆا «بالالار كۆانتوريۋمى» ءادىسى تۋرالى اقپارات بەرىپ, شەبەرلىك سىنىبىن وتكىزسە, ادىسكەر نۇرجان ناباتوۆا ءبىلىم بەرۋ ساپاسىن باعالاۋدا كومەكتەسەتىن «ECERS-3» شكالاسىن پايدالانۋ بويىنشا سەمينار-ترەنينگ وتكىزدى. دوڭگەلەك ۇستەل بارىسىندا اتىراۋ قالاسىنداعى بالاباقشالاردىڭ پەداگوگتەرى ءوز وي-پىكىرلەرىن ورتاعا سالىپ, سۇراقتارىن قويدى.
جالپى كەزدەسۋ اياسىندا «قارلىعاش» بالاباقشاسى رەسپۋبليكا بويىنشا مەكتەپكە دەيىنگى ءبىلىم بەرۋ مەكەمەلەرىنىڭ كوشباسشىسى رەتىندە ءوز تاجىريبەسىن وڭىرلەردىڭ مەكتەپكە دەيىنگى ۇيىمدارىنا تاراتۋعا ءاردايىم دايىن ەكەندىگى اتالىپ ءوتتى. بيىل بالاباقشا وسى فورماتتاعى ءىس-شارالار تىزبەگىن ەلىمىزدىڭ وزگە دە وڭىرلەرىندە وتكىزۋدى جوسپارلاپ وتىر.
