الماتى قالالىق سوتىنىڭ ءباسپاسوز قىزمەتى مامانداندىرىلعان اۋدانارالىق تەرگەۋ سوتى سوتقا دەيىنگى تەرگەۋ ورگانىنىڭ ءوتىنىشىن قاناعاتتاندىرىپ, قايرات قۇدايبەرگەندى قاماۋدا ۇستاۋ مەرزىمىن ءبىر ايعا, ياعني 21 ماۋسىمعا دەيىن ۇزارتۋعا سانكتسيا بەرگەنىن حابارلادى.
2022 جىلدىڭ 22 ساۋىرىندە الماتى قالاسى ءماسليحاتىنىڭ دەپۋتاتى قايرات قۇدايبەرگەننىڭ ۇستالعانى بەلگىلى بولدى. سوت وعان قاتىستى 30 تاۋلىككە قاماۋعا الۋ تۇرىندەگى بۇلتارتپاۋ شاراسىنا سانكتسيا بەرىپ, كەيىن قاماۋعا الۋ مەرزىمى بىرنەشە رەت ۇزارتىلدى.
وتكەن جىلدىڭ شىلدە ايىندا قايرات قۇدايبەرگەن دەپۋتاتتىق مانداتىنان ايىرىلدى.
ەسكە سالا كەتسەك, 2022 جىلدىڭ قاڭتار ايىندا ق.قۇدايبەرگەن ا.جۇماگەلديەۆپەن («ديكي ارمان») بىرگە «قازاقستان» قوناق ۇيىندە ادام جيناپ, جۇماگەلديەۆتىڭ اينالاسىنا بىرىگۋگە, ونى قولداۋعا, سونداي-اق ادامداردى 10 ادامنان «ۇياشىقتار» بويىنشا ءبولىپ جانە ولاردىڭ توپتارىنىڭ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەنى انىقتالدى.
