تاۋەلسىزدىك العاننان بەرى قابىلدانعان 3,5 مىڭ زاڭنىڭ باسىم بولىگى ورىس تىلىندە جازىلعان. پرەمەر-مينيستر ورىنباسارىنىڭ ايتۋىنشا, ەندى زاڭدى ءبىرىنشى قازاق تىلىندە جازۋ تالابى ەنگىزىلەدى. سودان كەيىن عانا ورىس تىلىنە اۋدارىلادى.
«بۇل رەتتە ارتىق رەگلامەنتتەۋدى بولدىرماۋ مانىنە رەۆيزيا جۇرگىزۋ كوزدەلمەگەن نقا (جەكەلەگەن زاڭدار مەن زاڭعا تاۋەلدى اكتىلەر) ولاردىڭ جوبالارى مەملەكەتتىك ورگانداردىڭ نورما شىعارۋ قىزمەتى بارىسىندا لينگۆيستيكالىق ساراپتاماعا تۇسكەن كەزدە قارالادى. اتالعان شارا مەملەكەتتىك تىلدەگى نقا ماتىندەرى مازمۇنىنىڭ ساپاسىن ارتتىرۋعا ىقپال ەتەدى», دەلىنگەن التاي كولگىنوۆتىڭ جاۋابىندا.
