22 مامىردا ساعات 15:25-تە اباي وبلىسىنىڭ بورودۋليحا اۋدانىندا, اۋىل ستانتسياسىنان 7 كم قاشىقتىقتا قۇرعاق ءشوپ ورتەنىپ, كەيىننەن «سەمەي ورمانى» ءمور اۋماعىنا كوشتى.
ء«ورتتىڭ جالپى اۋماعى 1500 گا. ورمان القابىندا قۇرعاق ءشوپ ورتەنىپ جاتىر. ەلدى مەكەندەرگە تونگەن قاۋىپكە بايلانىستى بەرەزوۆكا شيپاجايى مەن بەرەزوۆكا پودحوزىنان 277 ادام ءوز بەتىنشە تۋىستارىنا ەۆاكۋاتسيالاندى. بەرەزوۆكا شيپاجايى مەن بەرەزوۆكا پودحوزى ورنىندا 15 قىزمەتكەر كەزەكشىلىك ەتەدى», دەپ جازىلعان مينيسترلىكتىڭ اقپاراتىندا.
ورمان ءورتىن سوندىرۋگە بارلىعى 100 بىرلىك تەحنيكا (ونىڭ ىشىندە 1 ءورت پويىزى) جانە 2 تىكۇشاق, سونداي-اق 402 ادام جۇمىلدىرىلدى.
قوسىمشا استانا قالاسى, پاۆلودار جانە قاراعاندى وبلىسى تجد كۇشتەرى مەن قۇرالدارىنان 133 ادام جانە 26 بىرلىك تەحنيكا جىبەرىلدى. سونداي-اق «قازاۆيسپاس» اق-نىڭ مي-8 تىكۇشاعى (ەكيپاجى 4 ادام) قاراعاندى قالاسىنىڭ اۋەجايىنان ۇشىپ شىقتى.
تاۋلىگىنە 2 تىكۇشاقپەن بارلىعى 59 157,5 توننا سۋ توگىلدى.
ء«ورت ورنىنا ۆيتسە-مينيستر گەنەرال-مايور م. كۇلدىكوۆ كەلىپ جەتتى. داعدارىس ورتالىقتارىندا اباي وبلىسىنىڭ تجم جانە تجد جەدەل شتابتارى جۇمىس ىستەيدى. سەنىم تەلەفونى اشىق», دەلىنگەن حابارلامادا.
