ايىپپۇل ادىم اشتىرماي تۇر

ءتيىستى ورىندار ساۋدا سالاسىندا قىزمەت كورسەتەتىندەردىڭ دەنى قوسىلعان قۇن سالىعىن تو­لەۋ­شى رەتىندە ۋاقتىلى تىر­كەل­مەگەن­دىكتەن وسىنداي جاع­دايعا ۇشى­راپ وتىرعانىن ايتادى.

«مەن التىن بۇيىمدارىن قارىزعا الىپ ساتامىن. بىلتىر جەلتوقسان ايىندا سالىنعان 4,3 ملن تەڭگە ايىپپۇلدى نەسيە الىپ, جەدەل جاپتىم. ەندى بيىل ساۋىردە 920 مىڭ, ارتىنشا 27 ملن تەڭگەگە حابارلاما كەلىپ تۇر. وسى ميلليونداعان قارجىنى 3 اي ىشىندە تولەۋىم كەرەك ەكەن. ونى قالاي جابامىن؟ مۇنداي كولەمدە ماعان نەسيە دە بەرمەيدى عوي», دەيدى مەملەكەتتىك كىرىستەر ورگانىنان ەسكەرتپە العانداردىڭ ءبىرى ءرازيا شايماعامبەتوۆا.

كاسىپكەرلەر پالاتاسىنىڭ الاڭىن­دا مەملەكەتتىك كىرىستەر ورگانى مامان­دا­رىنىڭ قاتى­سۋىمەن وتكەن «اشىق ەسىك» كۇ­نىندە قارماقشىلىق كاسىپ­كەر باعيلا نەسىپباەۆا دا وسىنداي ارىز ايتتى. ساۋدامەن اينالىساتىن ەرلى-زايىپتىلار وسىعان دەيىن سالىق پەن وزگە دە تولەمدەردى كەشىكتىرمەي تولەپ كەلگەن. وسىدان 2 جىل بۇرىن اينالىم قاراجاتى مەجەگە جە­تىپ قالعانىن ەسكەرتكەن سالىق مامانىنىڭ كەڭەسىمەن ءۇش قۇ­رام­داستى ينتەگراتسيالانعان جۇ­يەگە وتكەن. وسى جۇيە بويىنشا بارلىق مىندەتتەمەنى وتەۋدەن قاشقان كەزى جوق. بيىل جىل باسىندا شاقىرعان سالىقشىلار قوسىمشا قۇن سالىعىن تولەۋشى رەتىندە تىركەلۋدى ەسكەرتىپ, سوڭعى ەكى جىلعا 25,7 ملن تەڭگە ايىپپۇل سالىپتى

ء«بىز مامان ەمەسپىز. بۋحگالتەر ۇستاپ وتىرۋعا جاعدايىمىز كەل­مەي­تىندىكتەن دە سالىق ماماندارىمەن كەڭەسەمىز. ەندى سونىڭ زاردابىن تارتىپ وتىرمىز. ول اقشانى قايدان الامىز؟ وسى وقيعادان كەيىن جۇبايىم اۋرۋ­حا­نادا جاتىر», دەدى باعيلا نەسىپباەۆا.

قىزىلوردا قالاسى بويىنشا مەملە­كەتتىك كىرىستەر باس­قار­ماسىنىڭ ءبولىم باسشىسى سالتانات ەرجانوۆانىڭ دەرە­گىن­شە, قوسىلعان قۇن سالىعىن تولەۋشى رەتىندە ۋاقتىلى تىر­كەل­مەگەن 84 كاسىپكەرگە ايىپ­پۇل سالىنعان. پالاتاداعى وڭىر­لىك كەڭەس مۇشەسى بەيبىتالى تىلەۋليەۆتىڭ ايتۋىنشا, ايىپپۇل سا­لىن­عانداردىڭ باسىم بولىگى ساۋدا سالاسىنداعى كىشى بيزنەس وكىلدەرى.

«حالىق اراسىندا سالىق ما­دە­نيەتىن قالىپتاستىرۋ ءۇشىن ەسكەرتپە-حابارلاما بەرۋ ءتاسى­لىن دە وڭايلاتقان ءجون بولار ەدى. بۋحگالتەرى جوق شاعىن كا­­سىپ­كەرلەر توقساندىق, جىلدىق ەسەپتەرىن ءبىر رەتتىك قىزمەت كور­سەتەتىن ماماندارعا تاپسىرتادى. ولاردىڭ كوپشىلىگى جەكە كابينەتىن ۇنەمى اشىپ وتىرمايتىنى انىق. سوندىقتان دا سالىنعان ايىپپۇل تۋرالى حابارلامالاردى SMS ارقىلى جىبەرگەن دۇرىس», دەيدى ول.

قازىر وبلىستا 67 مىڭنان استام كاسىپكەرلىك سۋبەكتى تۇ­راق­تى جۇمىس ىستەپ تۇر. وسى­لاردىڭ 21 814-ءى ساۋدا سالاسىندا تىركەلگەن. ولاردا وڭىردە جۇمىسپەن قامتىلعانداردىڭ 17,5 پايىزى جۇمىس ىستەيدى. پا­لا­تاعا ارىزىن ايتىپ كەلگەن 7 كاسىپكەر 23 ادامعا جۇمىس تاۋىپ بەرىپ وتىر.

«بيزنەس وكىلدەرىن الاڭداتقان بۇل ماسەلە جىل باسىندا وبلىس اكى­مى^­ء­نىڭ ءبىرىنشى ورىنباسارى سەرىك قوجانيازوۆتىڭ تورا­عا­لىعىمەن وتكەن جۇمىس تو­بىندا دا قارالعان ەدى. سون­دا ءدال وسى پروبلەما رەسپۋبليكا كولە­مىن­دە 2 مىڭ كاسىپكەردىڭ باسىندا بار ەكەنى بەلگىلى بول­عان. ال ايىپپۇل سا­لىن­عان­دار سانىنىڭ ازايماۋى بۇل پروب­لە­مانىڭ الەۋمەتتىك جاعىن ەسكەرۋ كەرەكتىگىن اڭعارتىپ تۇر. بۇل ماسەلە ۇكىمەتتىك دەڭ­گەي­دە شە­شىل­ۋى كەرەك», دەيدى كاسىپ­كەر­لەر پالاتاسىنىڭ ديرەكتورى پىرمۇحاممەد سىزدىقوۆ.

قىزىلوردا وبلىسى