بۇقارالىق اقپارات قۇرالدارى وكىلدەرىنىڭ الەۋەتىن ارتتىرۋعا باعىتتالعان اشىق بايقاۋدا پرەزيدەنت قاسىم-جومارت توقاەۆتىڭ تىكەلەي باستاماسىمەن جۇزەگە اسىرىلىپ جاتقان رەفورمالار, ەڭبەك ادامى, ايماقتىڭ ءومىرى مەن تىنىسى, رۋحاني جانە مادەني دامۋ, جاستاردىڭ قوعامداعى ءرولى, الاش قوزعالىسى, ازاماتتىق بورىش سەكىلدى نەگىزگى تاقىرىپتار قامتىلادى.
مەديا سىيلىق باق جانرلارى بويىنشا ەمەس, تاقىرىپتىق باعىتتار بويىنشا ۇسىنىلعان ۇزدىك جۇمىستارعا بەرىلەدى.
سونداي-اق «AMANAT مەديا سىيلىعى» بايقاۋى اياسىندا ارنايى ماعجان جۇماباەۆ اتىنداعى ء«سوز زەرگەرى» سىيلىعى, شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» جانە «بەلسەندى ازاماتتىق ۇستانىمى ءۇشىن» اتالىمدارى بويىنشا ارنايى سىيلىقتار قاراستىرىلعان.
وتىنىمدەر 22 مامىردان 19 ماۋسىمعا دەيىن قابىلدانادى. جەڭىمپازدار 26 ماۋسىم كۇنى سالتاناتتى تۇردە ماراپاتتالادى. بيىلعى بايقاۋدىڭ ۇزدىكتەرى «AMANAT» مەديا سىيلىعى مۇسىنشەسىمەن جانە قارجىلاي سىيلىقپەن ماراپاتتالادى.
بايقاۋ جەڭىمپازدارى ەكى باعىتتاعى ون نوميناتسيا بويىنشا انىقتالادى.
تاقىرىبى بويىنشا:
1. «ەلىمىزدەگى رەفورمالار تۋرالى ۇزدىك ماتەريال»;
2. «ەڭبەك ادامى تۋرالى ۇزدىك ماتەريال»;
3. «ايماق تۋرالى ەڭ ۇزدىك ماتەريال»;
4. «رۋحاني-مادەني دامۋ تۋرالى ۇزدىك ماتەريال»;
5. «جاستار تۋرالى ۇزدىك ماتەريال»;
6. «الاش قوزعالىسى تۋرالى ۇزدىك ماتەريال»;
7. «ازاماتتىق بورىش تۋرالى ۇزدىك ماتەريال»;
ارنايى سىيلىقتار:
1. ماعجان جۇماباەۆ اتىنداعى ء«سوز زەرگەرى» سىيلىعى.
2. شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» سىيلىعى.
3. بەلسەندى ازاماتتىق ۇستانىمى ءۇشىن.
تولىق اقپاراتتى amanatpartiasy.kz سايتىنان الۋعا بولادى. بايلانىس ءۇشىن: 8-7172-916-005, 8-7172-916-029, 8778-097-55-22. ەلەكتروندىق مەكەنجاي: media_premiya@amanatpartiasy.kz
