اتالعان جارىستا قازاقستان قۇراماسى تاريحي جەڭىسكە قول جەتكىزدى. جەرلەستەرىمىز كوماندالىق سايىستا بارلىق قارسىلاسىن سىپىرا ۇتىپ, باس جۇلدەنى ولجالادى. قۇرامىندا ەلمير ءالىمجانوۆ, رۋسلان قۇربانوۆ, ۆاديم شارلايموۆ, ەرلىك سەرتاي سىندى سايىپقىراندارى بار كوماندا باستاپقى باسەكەلەردە كولۋمبيا (45:41) مەن يتاليادان (45:31) باسىم تۇسسە, اسا شيەلەنىستى وتكەن شيرەك فينالدا ارگەنتينادان (45:44) ايلاسىن اسىردى. جارتىلاي فينالدا جىگىتتەرىمىز يسپانيانى (45:32) جولىنان ىعىستىرسا, اقتىق سايىستا نيدەرلاندتىڭ سەمسەرلەسۋشىلەرىن (34:20) سان سوقتىردى.
ءسوز ورايى كەلگەندە, تەك سپورتشى بولۋىمەن شەكتەلمەي, جاتتىقتىرۋشىلىق قىزمەتتى دە قاتار الىپ جۇرگەن ەلمير ءالىمجانوۆتىڭ اسقان شەبەرلىگىن ەرەكشە اتاپ وتۋگە بولادى. شەشۋشى تۇستا كوماندامىزعا جەڭىس ۇپايىن ءدال سول ساڭلاق اپەردى.
