اللا ەلشىن كيگەن بۇل كويلەكتىڭ تۇپنۇسقاسى نيۋ-يوركتەگى ايگىلى مەتروپوليتەن مۋزەيىندە ساقتاۋلى تۇر.
قىتايدىڭ حاربين قالاسىندا تۋىپ-وسكەن اللا ەلشىن ەكىنشى دۇنيەجۇزىلىك سوعىستان كەيىن اناسىمەن بىرگە فرانتسياعا كوشىپ كەتكەن. اكەسى قۋانحان ەلشىن وتباسىن ەۋروپاعا اتتاندىرۋعا كومەكتەسىپ, ءوزى ەلدەن شىعا الماي قالعان. ونىڭ اكەسىنىڭ تاعدىرى ءالى كۇنگە دەيىن بەلگىسىز. كەي مالىمەتتەرگە قاراعاندا, اكەسى قۋعىن-سۇرگىنگە ۇشىراپ كەتكەن. اللا 1989 جىلى 62 جاسىندا دۇنيەدەن وزعان.
فرانتسيا استاناسى ءپاريجدى باعىندىرعان قازاق قىزىن قالىڭ ەلگە تانىمال ەتكەن كىتاپ تا جارىق كورگەن. ونىڭ اۆتورى - جازۋشى, ديپلومات بەرلين يريشەۆ. ول ءوزىنىڭ زەرتتەۋ جۇمىسىنىڭ ناتيجەسىندە تىڭ دەرەكتەرگە تولى «اللا - شىعىستان شىققان Dior-دىڭ مارجانى» اتتى تۋىندىسىن ۇسىندى.
اللا ەلشىننىڭ ەۋروپادا ەشكىمگە ۇقسامايتىن مودەل عانا ەمەس, زور تۇلعا ەكەندىگىن كريستيان ديوردىڭ ءوزى دە مويىنداعان. اللا يىعىنا ىلگەن ءسان ۇلگىسىن ەرتەسىنە-اق ەليزابەت تەيلور, مارلەن ديتريح سىندى الەمدىك كينەماتورگرافيانىڭ ساڭلاقتارى, ءتىپتى ەۋروپا حانشايىمدارى دا كيىپ شىققان.
