«باستى ماقسات – پاتسيەنتتەرگە پرەپاراتتاردى جەتكىزۋ جۇيەسىن تسيفرلاندىرۋ, دارىلىك زاتتاردىڭ دەربەستەندىرىلگەن ەسەبىن جۇرگىزۋ. مۇندا بەرىلەتىن ءدارى-دارمەكتەردىڭ سانى اۆتوماتتى تۇردە باقىلانادى. بۇل بولىمشەنىڭ بىرەگەيلىلىگى: مەديتسينالىق ءدارى-دارمەكتەرگە جۇمسالاتىن شىعىستاردى ۇنەمدەۋ. سونىمەن قاتار دۇرىس ەمەس تاعايىنداۋلار مەن ەمدەۋ قاۋپى ازايادى. الدىن الا ەسەپتەۋلەر بويىنشا جوبا جىلىنا 400 ملن تەڭگەگە دەيىن بيۋدجەتتى ۇنەمدەۋگە مۇمكىندىك بەرەدى», دەپ اتاپ ءوتتى ەلوردالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
گوسپيتالدىق فارماتسيا بولىمشەسىنىڭ جوباسى بۇكىل الەمدە قولدانىلادى جانە حالىقارالىق تالاپتارعا ساي. قازىر قالا بويىنشا 9 ستاتسيونار جۇمىس ىستەيدى, الداعى ۋاقىتتا بۇل جۇيەنى بارلىق كوپبەيىندى اۋرۋحانالارعا ەنگىزۋ جوسپارلانعان.
