شقو اقپارات ورتالىعىندا ءباسپاسوز ءماسليحاتىن وتكىزگەن ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ءوڭىر تابيعاتىن قورعاۋ ماقساتىندا اتقارىلىپ جاتقان شارالار تۋرالى ايتىپ بەردى.
ونىڭ ايتۋىنشا, قازاقستاندا 5 جىل ىشىندە 16 اپاتتى سۋ قويماسىندا رەكونسترۋكتسيا جۇمىستارى جۇرگىزىلەدى. ونىڭ ىشىندە شىعىس قازاقستان وبلىسىندا 2 سۋ قويماسى (زايسان جانە تارباعاتاي اۋداندارىندا) قالىپقا كەلتىرىلمەك.
«ورمان شارۋاشىلىعى سالاسىنا قاتىستى ايتار بولساق, ءوڭىر بويىنشا 2 ملرد اعاش وتىرعىزىلادى. سوڭعى ەكى جىلدا 1300 گەكتار اۋماققا 6,1 ملن اعاش ەگىلگەن. ال وسى جىلدىڭ سوڭىنا دەيىن وبلىستا 1500 گەكتار جەرگە 8 ملن اعاش وتىرعىزىلادى دەپ جوسپارلانىپ وتىر», دەدى ءزۇلفيا سۇلەيمەنوۆا.
