ءىىم مالىمەتىنشە, ەر ادام بۇدان بۇرىن ەسىرتكى زاتتارىن ساقتاۋ جانە ساتۋمەن بايلانىستى قىلمىسى ءۇشىن سوتتالعان ەدى.
قاراتال اۋدانىنىڭ ەسكەلدى اۋىلىندا ورنالاسقان جەكە ۇيىندە ءتارتىپ ساقشىلارى وسىرىلگەن ماريحۋانانىڭ 108 ءتۇپ تامىرىن تاپتى. سونداي-اق دايىن كەپتىرىلگەن 40 قاراسورا تۇپتەرى, ەسىرتكى ورالعان تۇيىنشىكتەر, ونىڭ ىشىندە «سينتەتيكالىق» ەسىرتكى مەن قولدانۋعا ارنالعان ءارتۇرلى قۇرالدار تابىلدى.
«كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى سينتەتيكالىق ەسىرتكىنى وتكىزۋ جانە ساقتاۋ, سونداي-اق قۇرامىندا ەسىرتكى بار وسىمدىكتەردى ءوسىرۋ, ساتۋ جانە ساقتاۋدى كوزدەيتىن قىلمىستىق زاڭنامانىڭ ەكى بابى بويىنشا جۇرگىزىلىپ جاتىر», دەدى جەتىسۋ وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇماباەۆ.
