كەزدەسۋ بارىسىندا پرەزيدەنتكە تەلەكوممۋنيكاتسيا سالاسىنداعى الەمدىك كوشباسشىلاردىڭ ءبىرىنىڭ قازاقستانمەن ىنتىماقتاستىقتى دامىتۋعا قاتىستى الداعى جوسپارى تانىستىرىلدى. سونداي-اق قاسىم-جومارت توقاەۆقا «Huawei» مەن «قازاقستان تەمىر جولى» ۇلتتىق كومپانياسىنىڭ تەمىرجول جەلىسىن تسيفرلاندىرۋ جانە جاڭا تەحنولوگيالاردى پايدالانۋ جونىندەگى بىرلەسكەن جوبانى ىسكە اسىرۋ جوسپارى تۋرالى مالىمەت بەرىلدى.
ليان حۋا «Huawei» كومپانياسى كەڭ جولاقتى قولجەتىمدى ينتەرنەتتى دامىتۋعا جانە قازاقستاننىڭ وڭىرلىك تسيفرلىق حاب رەتىندە قالىپتاسۋىنا قاتىستى زەرتتەۋلەردى قارجىلاندىرعانىن ايتتى.
مەملەكەت باسشىسى «Huawei» اقپاراتتىق-كوممۋنيكاتسيالىق تەحنولوگيالار اكادەمياسىنىڭ بازاسىندا IT-تەحنولوگيا سالاسى بويىنشا بىلىكتى قازاقستاندىق مامانداردى دايارلاۋ جونىندەگى جوبانى جۇزەگە اسىرۋدى قۇپتادى.
