جەرلەسىمىز بايراقتى باسەكەسىنىڭ ءتورتىنشى اينالىمىندا الەمدىك رەيتينگتە 70-ورىندا تۇرعان چەحيالىق ماركەتا ۆوندروۋشوۆادان ەكى سەتتە – 6:3, 6:3 ەسەبىمەن باسىم ءتۇسىپ, شيرەك فينالعا شىققانىنىڭ ارقاسىندا بەيرەسمي تۇردە WTA Live كەستەسىندە بەسىنشى ورىنعا كوتەرىلدى.
ەلىمىزدىڭ ءبىرىنشى راكەتكاسى ەلەنا رىباكينا ريمدەگى WTA 1000 ءتۋرنيرىنىڭ شيرەك فينالىندا الەمنىڭ 1-راكەتكاسى, «ۇلكەن دۋلىعا» ساناتىنداعى جارىستاردىڭ ءۇش دۇركىن جەڭىمپازى, وسى دودانىڭ كەيىنگى ەكى جىلداعى باس جۇلدەسىن يەلەنگەن پولشا وكىلى يگا شۆەنتەكپەن وينادى. شۆەنتەك پەن رىباكينا وسىعان دەيىن ءوزارا ءۇش رەت كەزدەسكەن ەدى. بۇل ماتچتىڭ الدىنا ازىرشە ەسەپ – 2:1, ەلەنانىڭ پايداسىنا.
